لێخۆشبوونی %15 کرێی کارەبا چووە بواری جێبەجێکردنەوە
وه‌زاره‌تى كاره‌باى حكوومه‌تى هه‌رێمى كوردستان، ئاشكراى كرد نوسراوى فه‌رميى ده‌رچووه و لێخۆشبوونی %15ى کرێی کارەبا چووە واری جێبەجێکردنەوە.
له راگه‌يێندراوێكدا وه‌زاره‌تى كاره‌باى حكومه‌تى هه‌رێمى كوردستان له په‌یجى فه‌رمیی خۆى، له تۆڕى كۆمه‌ڵایه‌تیی (فه‌یسبووك) بڵاو كرده‌وه، تێیدا هاتووه: “کەمال محه‌مه‌د ساڵح، وەزیری کارەباى حكومه‌تى هه‌رێمى كوردستان، بە مەبەستی جێبەجێکردنی لێخۆشبوونی %15ى کرێی کارەبای هاوبەشانی کارەبا، فەرمانێکی کارگێڕیی دەرکرد و بە هۆیەوە فەرمانگەکانی تایبەتمەندی کارەبا دەتوانن بە داشکاندنی لە %15وه، کرێی کارەبا لە هاوبەشانی کارەبا وەربگرن”.
له راگه‌يێندراوه‌كه‌ى وه‌زاره‌تى كاره‌با ئه‌وه‌ش خراوه‌ته ڕوو، ئەو هاوبەشانەی کە قەرزداری کرێی کارەبان و قەرزەکانیان کەڵەکە بووە، دەتوانن لە ماوەی دوو مانگی کۆتایی ئەمساڵ بۆ دانەوەی قەرزەکانیان سەردانی فەرمانگەکانی کارەبا بکەن.”
