مەکتەبی سیاسی پارتی ئیدانەی پەلامارە تیرۆریستیەکەی سەرماڵی سەرۆک وەزیرانی عێراق مستەفا کازمی دەکات
له‌راگه‌ياندراوێكدا مەکتەبی سیاسی پارتی ئیدانەی پەلامارە تیرۆریستیەکەی سەرماڵی سەرۆک وەزیرانی عێراق مستەفا کازمی دەکات و داوا ده‌كات، ئەو کارە دوژمنکار و تاوانکاریانە دووبارە نەبنەوە و هەموو لایەک بە جددی کاربکەن بۆ دۆزینەوەی ئەنجامدەران و بەسزاگەیاندنیان، لەپێناو رێگەگرتن لە کاری گێرەشێوێنی و ئاژاوانانەوە و، دابینکردن و پاراستنی سەقامگیریی و ئارامیی.
ده‌قى راگه‌يێندراوه‌كه‌ى مەکتەبی سیاسی پارتی:..
بەرەبەیانی ئەمڕۆ گوێبیستی هەوڵێکی شکست خواردوو بووین بۆ سەر شوێنی مانەوە و ماڵی سەرۆک وەزیرانی عێراق مستەفا کازمی لە بەغدا، ئێمە لە پارتی دیموکراتی کوردستان زۆر بە تووندی ئەو پەلامارە سەرزەنشت و ریسوا دەکەین و بە پەلاماردانێکی تیرۆریستی دادەنێین.
هەروەها داوادەکەین ئەو کارە دوژمنکار و تاوانکاریانە دووبارە نەبنەوە و هەموو لایەک بە جددی کاربکەن بۆ دۆزینەوەی ئەنجامدەران و بەسزاگەیاندنیان، لەپێناو رێگەگرتن لە کاری گێرەشێوێنی و ئاژاوانانەوە و، دابینکردن و پاراستنی سەقامگیریی و ئارامیی.
مەکتەبی سیاسی
پارتی دیموکراتی کوردستان
٧ـی ١١ـی ٢٠٢١
