پیاوێك ھەڕەشە لە بالیۆزخانەی ئەمریكا دەكات
عێراقیەك هەڕەشەی کرد کە پشتێنێکی تەقەمەنی لەبەر دەکات و خۆی لە ناو باڵیۆزخانەی ئەمریکا لە بەغدا دەتەقێنێتەوە.
ئەو پیاوە، شێخ حەمید عەبدولڕەزایە، لەکاتی ناڕەزایی دەربڕین دژی ئەنجامەکانی هەڵبژاردن بە نیگەرانییەوە قسەی دەکرد و هەڕەشەی تەقاندنەوەی خۆی لە باڵیۆزخانەی ئەمریکا دەکرد.
بەپێی ڤیدیۆکە گوتی ” بەخوا بەخوا پشتێنێکی تەقەمەنیان پێداوم و منیش دەچمە ناو باڵیۆزخانەی ئەمریکا و خۆمی تێدا دەتەقێنمەوە”.
لە درێژەی ڤیدیۆکەدا ئەو پیاوە ئاماژەی بە ناونیشانی شوێنی نیشتەجێبوونەکەی کرد و وتی کە بەرەنگاری هەواڵگری عێراقیش دەبێتەوە.
سەرچاوە: RT عەرەبی
