مه‌لا به‌ختيار: ئەوەی نێچيرڤان بارزانى،سه‌رۆكى هه‌رێمى كوردستان بۆی کردم، مەگەر بەس مام جەلال بۆی کردبم
دوای وه‌رگرتنی چاره‌سه‌ر و گه‌ڕانه‌وه‌ی له ئه‌ڵمانیا،مه‌لا به‌ختیار، ئه‌ندامی ئه‌نجوومه‌نی باڵای سیاسی و به‌رژه‌وه‌ندیی یه‌كێتی، ڕایگه‌یاند لە دوای چوارەمین كۆنگرەی یەكێتییەوە وای لێهات خەڵك خواخوای بێ هاوسەنگەرەكانی لەناو بچن یان خۆی هەوڵی لەناوبردنیان بدات. ده‌شلێت: ئەوەی نێچیرڤان بارزانی، سه‌رۆكى هه‌رێمى كوردستان بۆی کردم، مەگەر بەس مام جەلال مابايه و بۆمى بكردايه .”
مه‌لا به‌ختیار، ئه‌ندامی ئه‌نجوومه‌نی باڵای سیاسی و به‌رژه‌وه‌ندیی یه‌كێتی، ئه‌مڕۆ شه‌ممه 13/11/2021،دوای وه‌رگرتنی چاره‌سه‌ر و گه‌ڕانه‌وه‌ی له ئه‌ڵمانیا، بۆ مێدیاكان دوا و سوپاسی پێشوازیی خه‌ڵكی كرد و ڕایگه‌یاند:غەدرێکی گەورە لە خۆی، بافڵ تاڵەبانی و وەستا حەسەن کراوە، ئێمە جاران خۆمان بە کوشت دەدات بۆ ئەوەی هاوڕێیەکمان دەست دووژمن نەکەوێت، بەڵام بەداخەوە دوای چوارەمین کۆنگرەی یەکێتییەوە خەڵک خوا خوای بێت هاوسەنگەرەکانی لەناوبچن یان خۆی هەوڵی لەناوبردنیان بدات”.
گوتیشی: پێشوازیكردن له ئێمه، پێشوازیكردن نییه له كه‌سێك كه ناوی مه‌لا به‌ختیاره، چاوه‌ڕوانییه له كه‌سێك كه غه‌درێكی گه‌وره به‌رامبه‌ر خۆی و كاك بافل و وه‌ستا حه‌سه‌ن و خه‌ڵكی تر كراوه، غه‌درێكی یه‌كجار گه‌وره‌یه.
