سەرۆکی حکومەتی هەرێمی کوردستان لە دوای کۆبوونەوە لە گەڵ قوتابیان لێدوانێک ئاراستەی ڕاگەیاندنەکان دەکات
سەرۆکی حکومەتی هەرێمی کوردستان لە دوای کۆبوونەوە لە گەڵ بەشێک لە قوتابیانی زانکۆکانی کوردستان لە زانکۆی سەلاحەدین لە لێدوانێکدا بە ئامادە بوونی قوتابیان گوتی : هه‌وڵده‌ده‌ین به شێوه‌یه‌كی ریشه‌یی چاره‌سه‌ری كێشه‌كانی قوتابیان بكه‌ین و هاوكاری ئه‌و قوتابیانه بكرێت، كه كه‌مده‌رامه‌تن
مەسرور بارزانی سەرۆکی حکومەتی هەرێمی کوردستان وێرای ئەوەی سوپاسی وەزیری خوێندنی باڵاو زانکۆی سەلاحەدینی کرد بۆ ڕەخساندی ئەو دەرفەتە ڕایگەیاند ،لە نزیکەوە گوێبیستی ، ویست وداواکاری قوتابیان بووین و هەوڵی چارەسەری کێسەکانیان دەدەین ، چونکە ئامانجی ئێمە ئەوەیە ئاستی خوێندن بگاتە ئاستێکی بەرز و ژیانی قوبیانیش باشتربکەین .
سەرۆکی حکومەت داوای قوتابیانی بە ڕەوا زانی و گوتی : له به‌رنامه‌ی كاری سه‌ره‌كی خۆماندا ئه‌وه ده‌بێت، كه به‌شه ناوخۆییه‌كانی زانكۆكان دروست بكه‌ینه‌وه، به شێوه‌یه‌كی تایبه‌ت دیراسه‌ی دۆخی ئه‌و قوتابیانه‌ش دەکەین کە پێویستیان به هاوكاری هه‌یه و كه‌مده‌رامه‌تن، بۆ ئه‌وه‌ی به‌شێوه‌یه‌كی ریشه‌یی و بنه‌ڕه‌تی چاره‌سه‌ری كێشه و گرفته‌كانیان بكه‌ین
مەسرور بارزانی لەو لیدوانەدا ئاماژەی بەئەرکێک هاوبەش کرد لە نیوان حکومەت و قوتابیان و گوتی : ئه‌ركێكی هاوبه‌ش له‌سه‌ر ئێمه و قوتابیان و هه‌موو خه‌ڵكی كوردستانە، هه‌موومان ئه‌رك و مافمان هه‌یه و هیوادارین هه‌موو به‌یه‌كه‌وه بتوانین خزمه‌تی وڵاته‌كه‌مان بكه‌ین و پیرۆزی و سیمبولی ئه‌م نه‌ته‌وه‌یه و نیشتمانه به‌رز رابگرین و ئیدانه‌ی هه‌موو جۆره توندوتیژییه‌ك بكه‌ین، چ به‌رامبه‌ر به قوتابیان بكرێت، یان به‌رامبه‌ر هێزه ئه‌منییه‌كان.
لە کۆتایی قسەکانیدا سەرۆکی حکومەت ئیدانەی ئەو بێڕێزییەی کرد کە دەرحەق بە ئاڵای کوردستان کراوە و گوتی : من دڵنیام قوتابیان لێی بێبه‌رین، ئه‌و لایه‌نانه‌ش رووبه‌ڕووی یاسا ده‌كرێنه‌وه، كه بێڕێزییان كردووه، له هه‌مانكاتدا من سوپاس و ده‌ستخۆشی لە ئاستی به‌رزی قوتابیانی خۆشه‌ویست ده‌كه‌م، كه زۆر زۆر به‌شێوه‌یه‌كی زانستیانه داواكارییه‌كانیان خسته‌ڕوو، ئێمه‌ش ئه‌وه‌ی له‌تواناماندا بێت درێغی ناكه‌ین و له خزمه‌تیان ده‌بین، هیوادارین سه‌ركه‌وتوو بن له هه‌موو قۆناغه‌كانی خوێندن و دوای خوێندنیش
.
