پاره‌ی هاندانی مامۆستایان دابه‌ش ده‌كرێت
خواكوڕك
ئه‌مڕۆ سێ شه‌مه 7/3/2017 وه‌زاره‌تی په‌روه‌رده و فێركردن له‌راگه‌یانراوێكدا ده‌ستپێكردنی دابه‌شكردنی پاره‌ی هاندانی مامۆستایانی راگه‌یانند و تیایدا سه‌رجه‌م به‌ڕێوه‌به‌ركانی قوتابخانه‌كان ئاگادار ده‌كاته‌وه بۆ گرتنه‌به‌ری رێوشوێنه رۆتینیه‌كان.
به‌پێی راگه‌یانراوه‌كه سه‌ره‌تا له پارێزگای دهۆكه‌وه ده‌ستپێده‌كات بڕی ئه‌و پاره‌ی له‌لایه‌ن رێكخراوه ئه‌ڵمانیه‌كه ته‌رخانكراوه بریتیه له (٧٣٠,٨٧٤,٤)ى دۆلاری ئەمەریكی.
ڕێکەوتى دابەشكردنی پارەكە بۆ هەر پارێزگایەك بەم شێوەییە دەبێت:
ـ دهۆك لە ڕێکەوتى (٨ی ئازار تا ١٣ ئازار) دابەش دەکرێت.
ـ هەولێر لە ڕێکەوتى (١٤ی ئازار تا ٢٠ ئازار) دابەش دەکرێت.
ـ سلێمانی لە ڕێکەوتى (٢ی نیسان تا ٨ی نیسان) دابەش دەکرێت.
داتای پارێزگاكانیش به‌مشێوه بڵاوكراوه‌ته‌وه:
* ژمارەى ئەو مامۆستایانەى کە لە هەر پارێزگایەک ئەم هاوکاریەیان بەر دەکەوێت، بریتییە لە:
ـ دهۆك (٧٢٦٩) مامۆستا
ـ هەولێر (٧٠٤٢)مامۆستا
ـ سلێمانی (٥٨٥٥)مامۆستا
کە کۆى گشتییان دەكاتە (٢٠١٦٦) مامۆستا لە هەر سێ پارێزگا.
* بڕى پارەى دابینکراو بۆ هەر پارێزگایەك بریتییە لە:
ـ دهۆك (١٠٠,٨٤٨,١) دۆلاری ئەمەریكی
ـ هەولێر (٧٥٥,٦١٤,١) دۆلاری ئەمەریكی
ـ سلێمانی (٨٧٥،٤١١,١) دۆلاری ئەمەریكی
