وەزارەتی پێشمەرگە: تیرۆریستان راوەدوونران و بارودۆخەکە لەژێر کۆنتڕۆڵدایە

لە راگەیێندراوێکدا لەبارەی پەلاماری ئەمشەوی تیرۆریستانی داعش بۆ سەر هێزەکانی پێشمەرگە لە سنووری کەرکووک راگەیاندنی وەزارەتی پێشمەرگەی هەرێمی کوردستان رایگەیاند:” ئەمشەو ٥/٦ی ۱۲ی ۲۰۲۱ تیرۆریستانی داعش پەلامارێکی تری دڕندانەیان بۆ سەر خاڵێکی سەنگەرەکانی لیوای 126ـی هێزی پێشمەرگە لەنزیک ی گوندی ” قەڕە سالم” دا.

لە راگەیێندراوەکەی وەزارەتی پێشمەرگە ئەوەش خراوەتە روو کە:” لەم پەلامارە ترسنۆکانەیەدا، شەهید و بریندار لەریزەکانی هێزی پێشمەرگە هەیە.

وەزارەتی پێشمەرگە دەشلێ:” تیرۆریستان راوەدوونران و بارودۆخەکە لەژێر کۆنتڕۆڵدایە.