فارس عیسا: ئەنجوومەنی وەزیرانی عێراق رەزامەندیی لەسەر ناردنی 200 ملیار دینارەکە داوە
![](https://xwakurk.com/wp-content/uploads/2021/12/پاره.jpg)
سەرۆکی نوێنەرایەتیی حکومەتی هەرێمی کوردستان لە بەغدا راگەیاند، بۆ ناردنی 200 ملیار دینار لە بەغداوە بۆ هەرێمی کوردستان، تەنیا رێککارەکان لە وەزارەتی دارایی عێراق ماون و چاوەڕواندەکرێت بەمنزیکانە تەواو ببێت و پارەکە بنێردرێت.
فارس عیسا، سەرۆکی نوێنەرایەتیی حکومەتی هەرێمی کوردستان لە بەغدا، ئەمڕۆ دووشەممە 6-11-2021، رايگەیاند: “ئەنجوومەنی وەزیرانی عێراق رەزامەندیی لەسەر ناردنی بڕی 200 ملیار دینار بۆ مووچەی مووچەخۆرانی هەرێمی کوردستان دەربڕیوە و نووسراوی بۆ وەزارەتی دارایی عێراق کردووە کە ئەو بڕە پارەیە خەرجبکرێت”.
سەبارەت بە کاتی ناردنی پارەکە، فارس عیسا كه بۆ رووداو قسهى كردووه گوتوويهتى: “ئەوەی ماوەتەوە رێککاری کارگێڕیی وەزارەتی داراییە بۆ ئەوەی بۆ ئەو بڕەپارەیە بنێرێت، ئەگەر نا هەموو شتێک تەواو بووە، چاوەڕوانین بەمنزیکانە ئەو بڕە پارەیە بۆ هەرێمی کوردستان بنێردرێت و بخرێتە سەر هەژماری بانکیی هەرێمی کوردستان.”