سەرۆک بارزانی: بە توندی ئیدانەی ئەو ھێرشە تیرۆرستیەی ئەمڕۆی شاری بەسرە دەکەم
سەرۆک بارزانی لەبارەی تەقینەوەکەی پێشنیوەڕۆی ئەمڕۆی شاری بەسرە پەیامێکی سەرەخۆشی بڵاوکردەوە و لە بەشێکی پەیامەکە هاتووە: بەداخێکی زۆرەوە ئەمڕۆ ٧ـی کانوونی یەکەمی ٢٠٢١، لە ئاکامی ھێڕشێکی تیرۆرستی لە شاری بەسرا ، ژمارەیەک ھاووڵاتی شەھید و برینداربوون، وێڕای ئەوەی بە توندی ئیدانەی ئەو ھێڕشە تیرۆرستیە دەکەم
دەقی پەیامی سەرەخۆشی سەرۆک بارزانی بۆ کەسوکاری قوربانیانی تەقینەوەکەی شاری بەسرا
بەناوی خودای بەخشندە و میھرەبان
بەداخێکی زۆرەوە ئەمڕۆ ٧ـی کانوونی یەکەمی ٢٠٢١، لە ئاکامی ھێڕشێکی تیرۆرستی لە شاری بەسرا ، ژمارەیەک ھاووڵاتی شەھید و برینداربوون، وێڕای ئەوەی بە توندی ئیدانەی ئەو ھێڕشە تیرۆرستیە دەکەم ، سەرەخۆشی لە خانەوادەو کەسوکاری قوربانیانی ئەو روداوە دڵتەزێنە دەکەم ، ھیوای چاکبوونەوەی خێرا بۆ برینداران دەخوازم، لە خودای مەزن داواکارم قوربانیانی روداوەکە بە بەھەشتی بەرین شاد بکات و سەبر و ئارامیش بە کەسوکار و خانەوادەکانیان ببەخشێت.
مسعود بارزانی
٧ـی کانوونی یەکەمی ٢٠٢١
