له‌سه‌ر فه‌رمانى مه‌سرور بارزانى، ملیارێك و 500 ملیۆن دینار بۆ ناوه‌نده‌كانى خوێندن ته‌رخان ده‌كرێت
وه‌زاره‌تى په‌روه‌رده‌ى حكوومه‌تى هه‌رێمى كوردستان، له ڕاگه‌یاندراوێكدا ئاماژه به‌وه ده‌دات، له‌سه‌ر فه‌رمانى سه‌رۆكى حكوومه‌تى هه‌رێمى كوردستان، ملیارێك و 500 ملیۆن دینار بۆ ناوه‌نده‌كانى خوێندنى سه‌ر به وه‌زاره‌تى په‌روه‌رده ته‌رخان ده‌كرێت.
ئه‌مڕۆ چوارشه‌ممه 8/12/2021، وه‌زاره‌تى په‌روه‌رده ڕاگه‌یاندراوێكى بڵاو كردووه‌ته‌وه و وێنه‌یه‌كى ده‌ست (باسنیوز) كه‌وتووه، تێیدا باس له‌وه كراوه، له‌سه‌ر فه‌رمانى مه‌سرور بارزانى، سه‌رۆكى حكوومه‌تى هه‌رێمى كوردستان، ملیارێك و 500 ملیۆن دینار بۆ ناوه‌نده‌كانى خوێندنى سه‌ر به وه‌زاره‌تى په‌روه‌رده ته‌رخان ده‌كرێت، كه به‌م شێوه‌یه‌ى خواره‌وه‌یه:
1 – پێنج هه‌زار ڕه‌حله
2 – پێنج هه‌زار وایت بۆرد
3 – 500 لاپتۆپ
4 – یه‌ك ملیۆن و 750 هه‌زار ماسك
5 – شه‌ش هه‌زار و 700 پاككه‌ره‌وه (معقم)
ده‌قى ڕاگه‌یاندراوى وه‌زاره‌تى په‌روه‌رده
