سهرۆك بارزانی: یەكێكە لە دەستكەوتە گرنگەكانی شۆڕشی مەزنی ئەیلوول
![](https://xwakurk.com/wp-content/uploads/2021/09/01222.jpg)
سهرۆك مهسعود بارزانی له 69ـیهمین ساڵوهگهڕی دامهزراندنی یهكێتی ئافرهتانی كوردستاندا، پهیامێكی پیرۆزبایی بڵاو كردهوه ڕای گهیان یهکێتیی ئافرهتان ئەزموونێكی سەركەوتووی بەشداریی ئافرەت لە ژیانی سیاسی و كۆمەڵایەتیی كوردستان بووە، هاوكات یەكێكە لە دەستكەوتە گرنگەكانی شۆڕشی مەزنی ئەیلوول. ئهمڕۆ شهممه 11/12/2021،
سهرۆك مهسعود بارزانی له 63ـیهمین ساڵوهگهڕی دامهزراندنی یهكێتی ئافرهتانی كوردستاندا، پهیامێكی پیرۆزبایی ئاراستهی سكرتێر و ئهندامانی مهكتهبی سكرتاریهتی یهكێتیی ئافرهتانی كوردستان كرد و ڕایگهیاند: به بۆنهی شەست و نۆیەمین ساڵیادی دامهزراندنی یهکێتییەکهتان، یهکێتی ئافرهتانی کوردستان پیرۆزبایی گهرم ئاراستهی ئێوه و ههموو ئهندامانی رێکخراوه تێکۆشهرهکهتان و سەرجەم ئافرەتانی کوردستان دهکهم.
سهرۆك بارزانی له پهیامهكهیدا، دهشڵێ: یهکێتیی ئافرهتانی کوردستان، ئەزموونێكی سەركەوتووی بەشداریی ئافرەت لە ژیانی سیاسی و كۆمەڵایەتیی كوردستان بووە و، یەكێكە لە دەستكەوتە گرنگەكانی شۆڕشی مەزنی ئەیلوول كە ڕۆڵی خۆی بۆ چهسپاندن و دهستەبەرکردنی مافی ئافرهتان لە قۆناغە جیاجیاكاندا بە باشی گێڕاوە.
سهرۆك مهسعود بارزانی، دووپاتی دهكاتهوه: یەكێتیی ئافرەتانی كوردستان رێکخراوێکی تێکۆشهری ناو شۆڕش و خەباتی گەلی كوردستانە، كە جگە لە پاڵپشتیكردنی شۆڕش و پێشمەرگە، ئەركی خۆی لە پێگەیاندن و هۆشیارکردنەوەی ئافرەتان و بەرگریکردن لە مافەکانیان بەجێ گەیاندووە.
ئاماژهی بهوهش كردووه: لە سەردەمی ئێستاشدا پێویستە یەكێتیی ئافرەتانی كوردستان لە چوارچێوەی كولتووری پێكەوەژیان و مەدەنییەت و یەكسانیخوازی و نەهێشتنی توندوتیژیی خێزانی و كۆمەڵایەتی كار بۆ بەهێزكردنی بیری نەتەوەیی و نیشتیمانپەروەری و دیموكراسی لەنێو ڕیزەكانیاندا بكەن.