پارێزگاری هه‌ولێر: سه‌رۆكی حكومه‌تى هه‌رێمى كوردستان به وردی چاودێری دۆخه‌كه ده‌كات
به‌ره به‌یانی ئه‌مرۆ لافاو له به‌شێك له گه‌ڕه‌كه‌كانی هه‌ولێر هه‌ڵسا و به هۆیه‌وه هه‌شت كه‌س گیانیان له‌ده‌ستداوه و زیانێكی زۆری ماڵیش به‌ر هاووڵاتیان كه‌وتووه. پارێزگاری هه‌ولێريش رايده‌يگه‌ينێت، مه‌سرور بارزانی، سه‌رۆكی حكومه‌تی هه‌رێمی كوردستان به وردی چاودێری دۆخی هه‌ولێر ده‌كات.
له راگه‌یه‌ندراوێكدا، پارێزگاری هه‌ولێر رایگه‌یاند، “مەسرور بارزانى، سەرۆکى حومەتى هەرێمى کوردستان بە وردى چاودێرى دۆخەکە دەکات و چه‌ند جارێک لە رێگەى پەیوەندى تەلەفۆنیەوە پارێزگارى هەولێرى رڕاسپاردووە لە رێگە دەزگا پەیوەندیدارەکانەوە بە پەلە بە ھانای زیانلێکەوتووانەوە بچن و ھەرچی پێویست بێت بۆ ھاوکاریکردنیان و دابینکردنی پێداویستییەکانیان ئەنجامی بدەن”.
ده‌قى راگه‌يێدراوه‌كه:
درەنگانێکى ئەمشەو لە ئەنجامی یەکگرتنی دوو نزمە پاڵەپەستۆی دەریای ناوەراست و دەریای سور کە بووە هۆى دروست بوونى شەپۆلێکی بەخورى باران لە شاری هەولێر و له نزیک كاتژمێر 4ی به‌یانیه‌وه لافاو له بەشێکى زۆرى سنووری پارێزگای هه‌ولێر دروست بوو و بەداخەوە جگه له زیانی مادی زیانی گیانیشى لێکەووتەوە.
داواکارین لە هاوڵاتییان ئه‌گه‌ر بۆ كاری زۆر زه‌روور نه‌بێت ڕێگاكانی ده‌ره‌وه و ناوه‌وه‌ی هه‌ولێر به‌كار نه‌هێنن، هەروەها لە سنوور سەرجەم ناحیە و قەزا و گوندەکانى هەولێر لە هەرشوێنێک هەستیان بەمەترسى بەرزبوونەوەى ئاو و کاریگەریەکانى باران کرد ڕاستەوخۆ پەیوەندى بە قائیمقام و بەڕێوەبەرى ناحیە و شارەوانى و لایەنە بەرپرسەکانى ئەم شوێنانەوە بکەن، پێشبینی دەکرێت ئەمڕۆ جارێکى تر شەپۆلێکی بەخورى باران سنوورى پارێزگاى هەولێر بگرێتەوە.
بۆ ئەو مەبەستەش سەرجەم تیمەکانى دەزگاکانى (ئاسایش، پۆلیس، زێرەڤانی، هاتوچۆ، تەندروستى، بەرگرى شارسانى، شارەوانیەکان، ناوەندى قەیرانەکانى پارێزگا) و سەرجەم دەزگا پەیوەندیدارەکان خراونەتە ئامادەباشییەوە.
هەر بۆ ئەم مەبەستەش، ڕێزدار مەسرور بارزانى، سەرۆکى حومەتى هەرێمى کوردستان بەووردى چاودێرى دۆخەکە دەکات و چه‌ند جارێک لەڕێگەى پەیوەندى تەلەفۆنیەوە پارێزگارى هەولێرى ڕاسپاردووە لەڕێگە دەزگا پەیوەندیدارەکانەوە بە پەلە بە ھانای زیانلێکەوتووانەوە بچن و ھەرچی پێویست بێت بۆ ھاوکاریکردنیان و دابینکردنی پێداویستییەکانیان ئەنجامی بدەن.
پارێزگاى هەولێر
2021.12.17
https://xwakurk.com/?p=164840
