گرووپێکی چەکداری شیعە ، هێرشکردنەسەر باڵێوزخانەی ئەمریکایان گرتە ئەستۆ
لە دوای ئەوەی دوێنێ ، باڵیۆزخانەی ئەمریکا لە ناوچەی سەوزی بەغدا کرایە ئامانجی مووشەکی، گرووپیكی چەکداری نوێی شیعە ئەو هێرشە دەگرێت ئەستۆو هاوکاتیش هەڕەشە دەکەن بۆ ئەنجامدانی کردەوەی دیکەی تیرۆریستی .
گرووپی ( لیوای فاتح خەیبەر ) ئەو گرووپێکی تازەی چەکداری شیعەن و داوای کشانەوەی یەکجاریی هێزەکانی ئەمریکا دەکەن لە عێراق .
لە بەیاننامەیەکدا ویڕای گرتنە ئەستۆی هێرشەکەی دوێنێ لە ناوچەی سەوزی بەغدا ، هەڕەشە دەکەن بۆ ئەنجامدانی کردەوەی چەکداری و تەقاندنەوەی هەموو بنکەکانی ئەمریکی لە عێراق و داوای دەرچوونی هێزەکانی ئەمریکی دەکەن لە عێراق
هاوکات یەحیا رەسوڵ، گوتەبێژى فەرماندەى گشتى هێزە چەکدارەکانى عێراق رایگەیاند، ئەو مووشەکانە لە نزیک شەقامى فەڵەستینەوە ئاڕاستەى ناوچەى سەوز کراون.
