شاره‌زايه‌كى بوارى ياسايى: لابردنى زمانى كوردى له‌سه‌ر تابلۆكان له شارى كه‌ركووك پێچه‌وانه‌ى مادده‌ى 4 ى ده‌ستووره
شاره‌زايه‌كى بوارى ياسايى له‌باره‌ى بريارى پارێزگارى سه‌پێندراوى كه‌ركووك بۆ لابردنى زمانى كوردى له‌سه‌ر تابلۆكانى هاتووچۆ ده‌لێ: لابردنى زمانى كوردى له‌سه‌ر تابلۆكان له شارى كه‌ركووك پێچه‌وانه‌ى مادده‌ى 4 ى ده‌ستووره و پێشتريش هه‌وڵى له‌م شێوه‌يه دراوه ڕه‌تكراوه‌ته‌وه.”
د.هاوڕێ كه‌مال، شاره‌زاى بوارى ياسايى له‌باره‌ى لابردنى زانى كوردى له‌سه‌ر تابلۆكانى هاتووچۆى نێو شارى كه‌ركووك له په‌ره‌ى تايبه‌تى خۆى له تۆڕى كۆمه‌ڵايه‌تى (فه‌يسبووك)نووسيوويه‌تى :” لە ساڵی ٢٠١١ بە ھەمان شێوەی ئەمڕۆ لە کەرکووک تابلۆکان بێ زمانی کوردی پێچەوانەی ماددەی ٤ی دەستور لە کەرکووک داندران،ئەو کات کۆمەڵێ گەنجی شارەکە ھەڵوێستی نەتەوەیی خۆیان نواند و، لە مافی خۆیان خۆش نەبوون کە بەداخەوە زۆربەیان ئێستا لە کەرکووک ناژێن کە بە شانازییەوە بەندە یەکێکیان بوو و، خۆشبەختانە حکومەتی لۆکاڵی کەرکووک ناچار کرا بە زیادکردنی زمانی کوردی بۆ تابلۆکان .”
ئه‌و شاره‌زاىه‌ى بوارى ياسايى ده‌شلێت:” ماف نادرێت دەسێندرێت، ھیوادارم پەرلەمانتارە کوردەکان ھەڵوێستی جدییان ھەبێت و بە پێی ماددەی ئاماژەپێکراو داوا بکەن لە ھەموو شارەکانی عیراق زمانی کوردی لەسەر تابلۆ فەرمییەکان ھەبێت و ھەروەھا لەسەر دراو و بۆ گفتوگۆی ناو پەرلەمانی عیراق بەکاربھێندرێت.”
جێ ى باسه بە بڕیاری راكان جبوورى پارێزگاری سەپێنراوی کەرکووک ئەمڕۆ یەکشەممە 2-1-2022 سەرجەم تابلۆ و هێماکانی هاتووچۆ بە زمانی کوردی لە پارێزگاکەدا هەڵگیران و پێشتريش ڕۆژی 23ـی 12ـی 2021 تابلۆی قەزای دووبز بۆ دبس و شارەدێی پردێ بۆ ئاڵتون کۆپری گۆڕدران .
