تەرمی یەک لە ونبووەکانی لافاوەکەی هەولێر دۆزرایەوە

نووسینگەی پارێزگاری هەولێر لە ڕاگەیاندراوێکدا ئاشکرای دەکات لە بەردەوامی گەران لە لایەن هێزەکانی بەرگری شارستانی ، پۆلیس ، ئاسایس و زێرەڤانی تواندرا تەرمی هاووڵاتی ئومێد شامل بدۆزنەوە کە لە رۆلی 17 /12/2021 بە هۆی لافاوەکەی هەولێرەوە بێسەرو شوێن بوو .

دەقی ڕاگەیاندراوەکە

وێڕای دەستخۆشیمان لەهێزەکانى (بەرگری شارستانی، پۆلیس، ئاسایش، زێرەڤانى) و  ڕێکخراوەکان و هەموو ئەو کەس و لایەنانەی لەگەڕان بەدوای دۆزینەوەی تەرمی قوربانیانی لافاوەکەی شەوی 17/12/2021، بەردەوام بوون کە به‌هۆیەوە 12 کەس گیانیان لەدەستداوە و 10 کەسیان تەرمەکانیان دۆزرایه‌وه‌ و دوو هاووڵاتی بێسەروشوێن بوون بەناوەکانی( ئومێد شامل) و منداڵێک بەناوی (دانەر نەبەز)، سوپاس بۆ خودا ئەمڕۆ پێنجشەممە 2022.1.6  تەرمی هاوڵاتی (ئومێد شامل) دۆزرایەوە و گەڕان بەدوای دۆزینەوەی تەرمی دانەر نەبەزیش بەردەوامە.

نووسینگەی پارێزگاری هەولێر

2022.1.6