باشووری عێراق .. ڕێگری دەکرێت لە یادکردنەوەی ساڵیادی کووژرانی قاسم سولەیمانی
داوای دەرچوونی هێزەکانی سەر بە ئێران دەکرێت
لە کاتێکدا ژمارەیەک چەکداری حەشدی شەعبی سەربە ئێران ویستوویانە لە ” کوت ” سەنتەری پاریزگای ” واسیت ” یادی کوژرانی قاسم سولەیمانی و ئەبوومەهدی موهەندیس بکەنەوە بە هوتافی دژی ئەمریکا ، خەڵکی ناوچەکە لێیان وەدەستهاتوون و بە بەردەباران و هوتاف کێشان ڕێگریان لە بەڕێوەچوونی مەراسیمەکە کردووە .
هاوکات خۆپێشاندەران بە دڕاندن و سووتانی وێنەو پۆستەرەکانی قاسم سولەیمانی و موهەندیس دروشمی نەمان بۆ ئێرانیان گوتۆتەوە .
فرانس پرێس ئاشکرای دەکات ، لە دوای کردەوەی خۆپیشاندەران میلیشیاکانی سەر بە ئێران تەقەیان لە خۆپیشاندەران کردووەو تا دووەسیان بریندار کردووە و کەسێکیش بە فیشەکی ڕاستەوخۆ کوژراوە .
