حه‌یده‌ر شه‌شۆ: داعش خانه‌سۆری بۆ په‌كه‌كه جێهێشتووه
خواكوڕك
فه‌رماندی هێزی پاراستنی ئێزدیخان رایده‌گیه‌نێت، له ئێستادا هێزه‌كه‌یان سه‌ربه وه‌زاره‌تی پێشمه‌گه‌یه و فه‌رمانیش له‌و وه‌زاره‌ته و له سه‌رۆكی هه‌رێمی كوردستان وه‌رده‌گرێت.
حه‌یده‌ر شه‌شۆ فه‌رماندی هێزی پاراستنی ئێزدیخان له میانی دیدارێكی ته‌له‌فزیۆنی له كه‌ناڵی كوردستان 24 رایگه‌یاند، له‌گه‌ڵ وه‌زاره‌تی پێشمه‌رگه له‌سه‌ر دامه‌زراندنی 1800 شه‌ڕڤان كراوه، به‌ڵام له ئێستادا سه‌رقاڵی پێكهێنانی یه‌ك لیوان و ژماره‌یان هه‌زار كه‌س ده‌بێت و له داهاتووێكی نزیكیشدا، ده‌ست به دامه‌زراندنی چه‌كداران بۆ ئه‌و هێزه ده‌كرێت.
شه‌شۆ له‌باره‌ی گرژ و ئالۆزیه‌كانی په‌كه‌كه له شه‌نگال ده‌ڵێت، خانه‌سۆر به‌بێ شه‌ڕ ئازادكراوه‌ته‌وه و چه‌كدارانی داعش به‌بێ به‌رگریكردن چۆڵییان كرد و پاشه‌كشه‌یان كرد، پێویسته په‌كه‌كه له ناوچه‌كه به به‌رپرسیارێتییه‌وه مامه‌ڵه بكرێت.
فه‌رماندی هێزی پاراستنی ئێزدیخان ده‌شڵێت، به‌هۆی ئه‌و رێگریانه په‌كه‌كه له هێزی پێشمه‌رگه‌ی كوردستانی كردووه نزیكه‌ی 300 ماڵی نیشته‌جێی خانه‌سۆر ئاواره بوونه و تا ئێستاش به ته‌واوه‌تی هه‌موویان نه‌گه‌ڕاونه‌ته‌وه.
له‌باره‌ی كاری سیاسی و حزبایه‌تی حه‌یده‌ر شه‌شۆ رایگه‌یاند، دوای 3ی ئاب/ ئۆگست، هیچ كارێكی له ریزی یه‌كێتی نیشتمانی كوردستان نه‌كردووه و زیاتر سه‌رقاڵه به كاروباره‌كانی هێزه‌كه‌ی له شه‌نگال.
