وەزارەتی ناوخۆ هەمواری گرێبەستی ئەلیکترۆنی کڕین و فرۆشتنی ئۆتۆمبێلی بڵاوکردەوە
لە بەیانێکدا وەزارەتی ناوخۆى حكومه‌تى هه‌رێمى كوردستان هەمواری گرێبەستی ئەلیکترۆنی کڕین و فرۆشتنی ئۆتۆمبێلی بڵاوکردەوەو، هۆشداری لەبارەی هاورده‌كردن و گواستنه‌وه و فرۆشتنی ئۆتۆمبێل بە پێشانگه‌كانی ئۆتۆمبێل دەدات.
ئه‌مرۆ دووشه‌ممه، وه‌زاره‌تى ناوخۆى حكومه‌تى هه‌رێمى كوردستان رێوێنی ژماره 3ی ساڵی 2022ی تایبه‌ت به رێكخستنی كاری كۆمپانیاكانی هاورده‌كردن و گواستنه‌وه و فرۆشتنی ئۆتۆمبێلی بڵاوكرده‌وه و به‌پێ ى رێنوێنيه‌كه پێویسته كۆمپانیا و پێشانگه‌كانی ئۆتۆمبێل تا 25ی ئازاری ئه‌مساڵ خۆیان تۆمار بكه‌ن و ئەوەش خراوەتە روو کە ئه‌و كۆمپانیا و پێشانگایانه‌ی كێشه‌ی باج یان خاوه‌ندارێتی یان كێشه‌ی گرێبه‌ستیان هه‌یه، كۆدیان پێ ده‌درێت و پێویسته تا 31/12/2022 ئه‌و كێشانه له‌گه‌ڵ لایه‌نی په‌یوه‌ندیدار له حكوومه‌ت چاره‌سه‌ر بكه‌ن.
وه‌زاره‌تى ناوخۆ له رێنوێنيه‌كه‌يدا زياتر هاتووه:” گرێبەستی ستانداردی فرۆشتنی ئۆتۆمبێل لە لایەن وەزارەتی ناوخۆ رێكدەخرێت، هەروەها هەر كڕین و فرۆشتنێك لە نێوان ئەندامانی خێزان دایك، باوك، خۆشك، برا، كوڕ و كچ بكرێت، دەبێت لە كاتی گواستنەوەی خاوەنداریەتی پێویستە بە گرێبەستی ئەلیكترۆنی لە هاتوچۆ بۆیان رێكبخرێت و پەسند بكرێت بە رسوماتێكی دیاریكراو.
وەزارەتی ناوخۆ ئاشكراشی كردووە ئەو ئۆتۆمبێلانەی بەهۆی نەبوونی گرێبەستی ئەلیكترۆنی پێ بژاردنیان چۆتە سەر تاوەكوو 15/3/2022 لەو پێ بژاردنە لێخۆشبوونیان بۆ دەكرێت.
دەقی هه‌مواره‌كه‌ى وه‌زاره‌تى ناوخۆ:
