كه‌ركووك: خه‌سوويه‌ك زاواكه‌ى خۆى كوشت
پۆليسى كه‌ركووك بڵاويكرده‌وه ئەمڕۆ دواى ئه‌وه‌ى ماوه‌ى چه‌ند رۆژێك پێش ئێستا كه‌سێك كوژرابوو ئاشكرا بوو كە لەلایەن خەسوه‌كه‌يه‌وه كوژراوە.
ئه‌مرۆ چوارشه‌ممه، به‌رێوه‌به‌رايه‌تى پۆليسى شارى كه‌ركووك ڕاى گەیاند: ” دواى ئه‌وه‌ى ماوه‌ى چه‌ند رۆژێك پێش ئێستا له‌گه‌ڕه‌كى عروبه‌ى شارى كه‌ركووك كه‌سێك له ماله‌كه‌ى خۆى كوژرابوو، هێزەكانی پۆلیس بەردەوام بەدوای سەرەداوێكەوە بوون بۆ دۆزینەوەی بكوژی ئەو هاووڵاتییە و توانرا كه‌سێك ده‌ستگيربكرێت له قه‌زاى دۆره‌ى سه‌ر به پارێزگاى سه‌لاحه‌دين “.
له راگه‌يێندراوه‌كه هه‌روه‌ها هاتووه: “دەركەوت ئه‌وه‌ى ئه‌و كه‌سه‌ى كوشتووه خه‌سووى بووه و به‌هۆى كێشه‌ى خێزانى له نێوانيان ئه‌و تاوانه‌ى ئه‌نجام داوه “.
