فۆكۆیاما وەڵامی عەلی حەمەساڵح ناداتەوە
خواكوڕك
دوای ئەوەی لە ماوەی دوو رۆژی رابردوو پێنجەمین دیداری سلێمانی بە رێوەچوو كە چەندین كەسایەتی سیاسی و بیرمەندی ناوخۆو جیهانی بەشداریان تێداكرد, لە میانەی بەڕێوەچوونی پانێلێك بە بەشداری بیرمەندی ناسراوی ئەمەریكی فرانسیس فۆكۆیاما, پەرلەمانتانرێكی گۆڕان پرسیارێكی كرد و لە بەرامبەریشدا هیچ وەڵامێكی دەستنەكەوت.
عەلی حەمە سالح پەرلەمانتارەی گۆڕان، لە پرسیارەكەیدا بۆ فۆكۆیاما گوتی: “من پەرلەمانتارم و ساڵ و نیوێكە ناتوانم بچمە پەرلەمان، حكوومەتێكی دیكتاتۆری هەیە و پەرلەمان پەكخراوه”.
لە درێژەی پرسیارەكەیدا، بۆ فۆكۆیاما، گوتی: “خزمەتگوزاری نییە و فەرمانبەران مووچەیان وەرنەگرتووە، خەڵك لە دیموكراسی بێئومێد بووە، ئایا چارەسەر بۆ ئەم كێشەیە چییە؟”.
لە وەڵامدا، فرانسیس فۆكۆیاما، وەڵامێكی دیاریكراوی پەرلەمانتارەكەی گۆڕانی نەدایەوە و تەنها گوتی: “من ئاگاداری سیاسەتی كوردی نیم بۆیە ناتوانم هیچ وەڵامێكی دیاریكراوت بدەمەوە”.
شایەنی باسە, ئەمڕۆ لە دووەم رۆژی پێنجەمین دیداری سلێمانی، فۆكۆیاما پانێلی خۆی لە دیدارەكە، لە بارەی گۆڕانكاری جیۆپۆلۆتیكی ناوچەكە پێشكەشكرد.
