نێچيرڤان بارزانى پيرۆزبايى له كاكه‌يييان ده‌كات
لە پەیامێکدا، نێچیرڤان بارزانی، سەرۆکی هەرێمی کوردستان، بەبۆنەی هاتنه‌وه‌ى جه‌ژنى قه‌ولتاس پيرۆزبايى له كاكه‌يييان ده‌كات.
دەقی پەیامی پیرۆزبایی، سەرۆکی هەرێمی کوردستان:
هاتنه‌وه‌ى جه‌ژنى قه‌ولتاس له هه‌موو خوشك و برايانى كاكه‌يى له كوردستان و عيراق و له ده‌ره‌وه‌ى وڵات به گه‌رمى پيرۆز ده‌كه‌م، هيوادارم جه‌ژنێكى ئارام و ئاسووده به سه‌ر به‌رن و جه‌ژنى خێر و خۆشى بێت.
له‌م جه‌ژنه‌دا جه‌خت له پاراستنى مافه‌كانى خوشك و برايانى ئازيزى كاكه‌ييمان و ته‌واوى پێكهاته‌كان و مانه‌وه‌ى كوردستان به سه‌رزه‌مينى پێكه‌وه‌يى، ته‌بايى، لێبورده‌يى، فره‌يى و يه‌كترقبووڵكردن ده‌كه‌ينه‌وه.
جه‌ژنى قه‌ولتاس له هه‌مووان پيرۆز بێت، هه‌موو ساڵێك به خۆشى.
نێچيرڤان بارزانى
سه‌رۆكى هه‌رێمى كوردستان
2022/1/17
