شەپۆلێکی نوێی بەفربارین روو لە هەرێمی کوردستان دەکات
بەڕێوەبەرایەتی کەشناسی و بومەلەرزەزانی هەرێمی کوردستان لە ڕگەیاندراوێکدا پیشبینی کەش و هەوای 48 کاتژـێری داهاتووی ئاشکرا کردووە
وەک لە ڕاگەیاندراوەکەدا هاتووە ، ئەمڕۆ ئاسمان ساماڵ دەبێت و سبەى شەپۆلێکى بەفربارین تەواوى ناوچەکەمان دەگرێتەوە، پێشبینى هاتنى کاریگەرى ئەم شەپۆلە لە کاتەکانى دواى نیوەڕۆ دەستپێدەکات، بارستە هەواییەکى جەمسەرى زۆر سارد لەگەڵ ئەم نزمە پاڵە پەستۆیە دەبێت، بۆیە شێوازى دابارین لە زۆربەى کاتەکان بەبەفر دەبێت
هاوکات ئاماژەی بەوە کردووە سەنتەرى پارێزگاى سلێمانى، دهۆک و هەڵەبجە بەفر دەبارێت بە ناوجە شاخاوییەکانیشەوە
. لە سەنتەرى شاری هەولێریش سەرەتا نمە باران دەبارێت دواتر دەبێتە ” شڵێوە واتە بارێنی بەفر و باران لە یەککاتدا .
وەک کەشناسی ئاماژەی پێداوە ، کاریگەرى ئەم شەپۆلە سەنتەرى کەرکووکیش دەگرێتەوە و رۆژی پێنجشەممە کۆتایی پێدێت
