هەناردەکردنى نەوتى ھەرێمی کوردستان دەستی پێکردەوە
![](https://xwakurk.com/wp-content/uploads/2021/12/IMG_20211129_200617_303.png)
وەزارەتی سامانەسروشتیەکانی حکومەتی هەرێمی کوردستان رایدەگەینێت، هەناردەکردنى نەوتى ھەرێمی کوردستان دەستی پێکردەوە.”
لە ڕاگەیێندراوێکدا وەزارەتی سامانەسروشتیەکانی حکومەتی هەرێمی کوردستان ئەمڕۆ چوارشەممە، 19_1_2022 رای گەیاند:” دوای ئەوەی ئێوارەى رۆژی سێشەممە ڕێکەوتى ١٨ی کانوونی دووەمی ٢٠٢٢، بۆرى هەناردەکردنى نەوتى هەرێمی کوردستان لە نێو خاکی تورکیا تەقییەوە و ئەمەش بووە هۆى وەستانێکى کاتى هەناردەکردنەکە بۆ بەندەرى جەیهان.
ئەوەش خراوەتەڕوو:”بەپێی زانیارییەکان، تەقینەوەی بۆرییەکە بە هۆی شۆرتی کارەبا ڕوویداوە و لەگەڵ ئەوەشدا حکومەتى هەرێم وردتر لە ڕووداوەکە دەکۆڵێتەوە.
وەزارەتی سامانەسروشتیەکان راشیگەیاند:” ئەو تەقینەوەیە کاریگەریى لەسەر هەناردەکردنى نەوتى ھەرێمی کوردستان ھەبووە و لە ئێستاشدا ھەناردەکردنی نەوت دەستی پێکردووەتەوە.