وه‌زاره‌تى شاره‌وانى و گه‌شتوگوزار: كوژمه‌يه‌ك پاره بۆ پەرەپێدانی پێنج پڕۆژەی تۆڕی ئاوی دەوروبەری هەولێر خەرج كرا
وەزارەتی شارەوانی و گەشتوگوزارى حكومه‌تى هه‌رێمى كوردستان رايده‌گه‌ينێت:” بڕیاری داوه لەسەر خەرجكردنی گوژمەیەك بۆ پەرەپێدانی پڕۆژەكانی تۆڕی ئاو و سێكتەری ئاو لە سنووری پارێزگەی هەولێر.
لە فەرمانێكی وەزاریی خۆیدا، كه ئه‌مرۆ يه‌كشه‌ممه 23-1-2022 وەزارەتی شارەوانی و گەشتوگوزار ده‌ريكردووه و تێيدا:” بڕیاری داوه لەسەر خەرجكردنی گوژمەیەك بۆ پەرەپێدانی پڕۆژەكانی تۆڕی ئاو و سێكتەری ئاو لە سنووری پارێزگەی هەولێر، كە گوژمەكە زیاتر لە 65 ملیۆن دینارە و لەسەر ڕێژەی 17%ی داهاتی بەڕێوەبەرایەتیی ئاوی دەوروبەری هەولێر خەرج كراوە.
وه‌ك له فه‌رمانه‌كه هاتووه پرۆژەكان بریتین له:
– پڕۆژەی تۆڕی ئاوی گەڕەكی گرتن روست لە قوشتەپە.
– كڕینی ئامێری ئۆتۆككلەیف بۆ تاقیگەی كۆنتڕۆڵی جۆری.
– تۆڕی ئاوی گەوڕەكی ڕزگاری لە باسرمە.
– دیزایینكردنی تاخم غەتاس و ڕاكێشانی كارەبای سەرەكی بۆ بیری ئاو لە گوندی شێوەدەر/دارەشەكران.
– پڕۆژەی تۆڕی ئاوی گەڕەكی پیرداود لە شەمامك.
