به‌فه‌رمانى مه‌سرور بارزانى، زیاتر لە ١١٤ ملیۆن دینار بۆ منداڵانی تووشبووی ئۆتیزم لە دەڤەری راپەرین خەرج دەکرێت
فه‌رمانگه‌ى ميديا و زانيارى حكومه‌تى هه‌رێمى كوردستان رايده‌گه‌ينێت:” به‌فه‌رمانى سه‌رۆكى حكومه‌تى هه‌رێمى كوردستان، زیاتر لە ١١٤ ملیۆن دینار بۆ منداڵانی تووشبووی ئۆتیزم لە دەڤەری راپەرین خەرج دەکرێت.”
فه‌رمانگه‌ى ميديا و زانيارى حكومه‌تى هه‌رێمى كوردستان له راگه‌يێندراوێكدا ئه‌مرۆ دووشه‌ممه راى گه‌ياند:” لەپێناو بەرژەوەندی گشتی و سەلامەتی منداڵانی تووشبووی بە ئۆتیزم لە دەڤەری راپەرین، بە فەرمانی مەسرور بارزانی،سەرۆکی حکومەتی ھەرێمی کوردستان ڕەزامەندی درا لەسەر خەرجکردنی بری (١١٤,٨٣٥,٠٠٠) ملیۆن دینار، بە مەبەستی نۆژەنکردنەوەی باڵەخانەی دایەنگەی شارۆچکەی حاجیاوە دابینکردنی کەل و پەل و پێداویستیەکانی باڵەخانەكە کە خاوەنداریەتییەکەی بۆ وەزارەتی کارو کاروباری کۆمەڵایەتی دەگەڕێتەوە و تایبەت دەکرێت بە سەنتەری ئۆتیزم.”
