سەرۆک بارزانی پێشوازی لە کونسوڵی کۆماری چیک دەکات
له‌دیدارێكی نێوان سه‌رۆك بارزانی و کونسوڵی کۆماری چیک ،بارودۆخی سیاسی عێراق و دوا پێشھاتەکان تاووتوێ کران .
رۆژی یەکشەممە 6ـی شوباتی 2022 لە سەلاحەددین سەرۆک بارزانی پێشوازی لە کارل کۆرتانێک کونسوڵی کۆماری چیک کرد.
لە دیدارەکەدا بارودۆخی سیاسی عێراق و دوا پێشھاتەکان تاووتوێ کران.
ھەر لەو دیدارەدا رۆشنایی خرایە سەر توانا و ئامادەییەکانی ھێزی پێشمەرگەی کوردستان و، کونسوڵی چیک پێزانینی بۆ قارەمانێتی ھێزی پێشمەرگەی کوردستان لە شەری دژی تیرۆرستان ھەبوو.
پەیوەندیەکانی نێوان ھەرێمی کوردستان و کۆماری چیک تەوەری دیکەی ئەو کۆبوونەوەیە بوو.
