یەکێتی قوتابیانی کوردستان سوپاسى سەرۆکی حکومەتی ھەرێمی کوردستان دەکات.
یەکێتی قوتابیانی کوردستان له په‌يامێكدا به‌بۆنه‌ى خەرجکردنی بڕە پارەیەکی مانگانە، وەکو پاڵپشتی دارایی قوتابیان سوپاسى سەرۆکی حکومەتی ھەرێمی کوردستان دەکات و رايده‌گه‌ينێت: بەردەوام دەبین لە داکۆکیکردن لە ماف و داخوازییە ڕەوایەکانی قوتابیان.
ده‌قى په‌يامه‌كه‌ى یەکێتی قوتابیانی کوردستان:-
سڵاوى زانست و خه‌بات…
لە دوای ئەوەی لە ماوەی ڕابردوودا ڕێزدار (مەسرور بارزانی) سەرۆکی حکومەتی ھەرێمی کوردستان، لە دیداری لەگەڵ نوێنەرانی قوتابیاندا، بەڵێنیاندا بە چارەسەرکردنی کێشەی دەرماڵەی قوتابیان. ئەوەبوو لەسەر ڕاسپاردەی بەڕێز سەرۆکی حکومەت، لە ٣ی ٢ی ٢٠٢٢ وەزارەتی دارایی و ئابووری بڕیاریدا بە خەرجکردنی بڕە پارەیەکی مانگانە، وەکو پاڵپشتی دارایی قوتابیان.
ئێمە بە ناوی خۆمان و قوتابیانی هەرێمی کوردستان، سوپاسی بەڕێز سەرۆکی حکومەتی هەرێمی کوردستان دەکەین و ڕایدەگەیەنین؛ بەردەوام دەبین لە داکۆکیکردن لە ماف و داخوازییە ڕەوایەکانی قوتابیان.
یەکێتی قوتابیانی کوردستان
مەکتەبی سکرتاریەت
٦-٢-٢٠٢٢
