ڤایرۆسێک لە قەڵادزێ 500 کەسی ڕەوانەی نەخۆشخانە کردووە
وەزیری تەندروستی دەگاتە قەلادزێ
سک چوون و ڕشانەوە دیاردەی ڤایرۆسێکی نەناسراون کە خەڵکی قەڵادزێی هەراسان کردووە .
بە پێی ئەو زانیاریانەی دەستی دەزگای میدیایی خواکوڕک کەوتووە تا ئێستا بە هۆی سک چوون ڕشانەو تای زۆر زیاتر لە 500 کەس سەردانی نەخۆشخانەیان کردووە .
ئەو ڤایرۆسە ماوەی یەک هەفتە دەبێت دیاردەکانی دەرکەوتوون، لەمبارەشەوە تەها محەممەد، بەڕێوەبەری راگەیاندنی تەندروستیی راپەڕین لە لێدوانێکی میدیاییدا گوتی : تا ئێستا 488 کەس لە نەخۆشخانەکان خەوێندراون کە زۆربەیان منداڵ و گەنجانن .
هەر بە هۆکاری ئەو دیاردە ڤایرۆسییە ئەمڕۆ سامان بەرزنجی وەزیری تەندروستیی هەرێمی کوردستان سەردانی دەڤەری ڕاپەڕینی کردووە .
