ئیسرائیل هێرشی كرده سەر دەورووبەری دیمەشقی پایتەختی سووریا
سەرچاوەیەکی سەربازی سوریا رایگەیاند، بەرەبەیانی ئەمڕۆ ئیسرائیل چەند ناوچەیەکی دەوروبەری دیمەشقی پایتەختی کردوەتەوە ئامانج و بەهۆیەوە سەربازێک کوژراوە و پێنجی دیکەش برینداربوون.
ئەمڕۆ چوارشەممە، ئاژانسی هەواڵی سانا لەزاری سەرچاوەیەکی سەربازییەوە بڵاویکردەوە، بەرەبەیانی ئەمڕۆ ئیسرائیل بە موشەک چەند ناوچەیەکی نزیک دیمەشقی پایتەختی سوریای کردوەتە ئامانج وبەهۆیەوە سەربازێک کوژراوە و پێنجی دیکەش برینداربون.
ئاشکراشیکرد، بەرگری ئاسمانی سوریا وەڵامیانداونەتەوە و ژمارەیەک موشەکیشیان خستوەتە خوارەوە.
