موقته‌دا سه‌در : پێويسته پەرلەمان بەشێوازێكی یەكلاكەرەوە دەستوەردانی حزبی یان دادوەریی بەسیاسیكراو قەدەغە بكات.
موقتەدا سەدر، سه‌رۆكى ڕه‌وتى سه‌در له په‌يامێكدا بۆ په‌رله‌مانى عێراق ده‌لێ: بانگهێشتكردنی هەر كەسێك كە گومانی گەندەڵی لێدەكرێت یان كەمتەرخەمی دەكات، بەبێ رەچاوكردنی ئینتیمای رەگەزی‌و تائیفی یان پلەی وەزیفی لە حكومەتەكانی پێشوودا.
موقتەدا سەدر لە تویتێكدا كه ئه‌مرۆ سێشه‌ممه، له په‌يجى فه‌رميى خۆى له تۆڕى كۆمه‌ڵايه‌تى تويته‌ر بڵاويكرده‌وه بۆ پەرلەمانی عێراق و نووسيوويه‌تى : كاری پەرلەمان تەنیا پێكهێنانی حكومەت‌و هەڵبژاردنی سێ سەرۆكایەتییەكە نییە، دەبێت پەرلەمانتار ئەمانە بكات:
1. كاراكردنی رۆڵی چاودێریكردن‌و كاراكردنی لێكۆڵینەوەكان‌و بانگهێشتكردنی هەر كەسێك كە گومانی گەندەڵی لێدەكرێت یان كەمتەرخەمی دەكات، بەبێ رەچاوكردنی ئینتیمای رەگەزی‌و تائیفی یان پلەی وەزیفی لە حكومەتەكانی پێشوودا.
2. جەختكردنەوە لەسەر كاراكردنی ئەو پرۆژە خزمەتگوزارییانەی كە سود بە گەل دەگەیەنن، تەواوكردنی پرۆژە پشتگوێخراوەكان بەزوترین كات.
3. پەلەكردن لە پێكهێنانی حكومەتی ئیسلاحی نوێ‌و حكومەتێكی زۆرینەی نیشتمانی دور لە “كێكەكە”.
4. كاراكردنی رۆڵی چاودێری پەرلەمان بەشێوازێكی یەكلاكەرەوە كە دەستوەردانی حزبی یان دادوەریی بەسیاسیكراو قەدەغە بكات.
