مەسرور بارزانی: كۆبوونه‌وه‌كانمان به‌رهه‌می باشیان ده‌بێت
سه‌رۆكى حكومه‌تى هه‌رێمى كوردستان له‌باره‌ى ديدار و كۆبوونه‌وه‌كانى له کۆنفرانسی ئاشتیی میونشندا راى گه‌ياند:” کۆبوونەوەکانمان بەرهەمی باشیان دەبێت و تێگەیشتنی باشیشمان لەگەڵ هەموو ئەو لایەنانە هەبووە.
لە کۆنفرانسێکی ڕۆژنامەوانیدا ئەمڕۆ، یەکشەممە 20/2/2022 مەسرور بارزانی، سەرۆکی حکوومەتی هەرێمی کوردستان، سەبارەت بە بەشدارییان لە کۆنفرانسی ئاشتیی میونشندا گوتی، هاتنی ئێمە بۆ بەشداریی لەم کۆنفرانسەدا بۆ ئەوەی بووە کە تێڕوانینی خۆمان وەکوو حکوومەتی هەرێمی کوردستان بخەینە ڕوو و چەندین دیداری دوولایەنەشمان هەبووە لەگەڵ زۆربەی ئەو بەشداربوانەی کە هاتوونەتە ئێرە، ”
سه‌رۆكى حكومه‌تى هه‌رێمى كوردستان گوتيشى:” هەرچەندە ئەمساڵ بەهۆی کۆرۆناوە ژمارەی بەشداربوان کەمتر بوو، بەڵام توانیمان چەندین دیدار بکەین و لە دیدارەکاندا ڕوانگەی هەرێمی کوردستان لە زۆربەی ئەو بابەتانەی کە لەر ناوچەکەدا ڕوو دەدات، بەتایبەتی ئەو بابەتانەی بۆ هەرێمی کوردستان گرنگن، بخەینە ڕوو، هەروەها گوێ لە بیر و بۆچوونەکانی ئەوانیش بگرین، پێم وایە کۆبوونەوەکانمان بەرهەمی باشیان دەبێت و تێگەیشتنی باشیشمان لەگەڵ هەموو ئەو لایەنانە هەبووە.
مەسرور بارزانی له وه‌ڵامێكى تايبه‌ت بە هەڵویستی بەشداربوانی کۆنفرانسەکە لەسەر دواین بڕیاری دادگای فیدراڵیی عێراق و پێکهێنانی حکوومەتی نوێی عێراقیش،گوتى: ئەمە بابەتێکی ناوخۆییە، بەڵام ئێمە نیگەرانیی خۆمان پێشان داوە، بەتایبەتی ئەو بڕیارانەی کە بەسیاسی کراون و بەداخەوە دژی مافە دەستوورییەکانی هەرێمی کوردستان، ئێمە ئەوەی لە تواناماندا بوو بۆ شیکردنەوەی بابەتەکان قسەی پێویستمان لەسەر کردوون.”
پوختەیەک لە وەڵام و گوتەکانی سەرۆکی حکوومەتی هەرێمی کوردستان:
