بایدن و پۆتن سەبارەت بە کێشەی ئۆکراینا کۆدەبنەوە
![](https://xwakurk.com/wp-content/uploads/2022/02/qalb-1-49.jpg)
ئۆفیسی ئیمانۆئێل ماکرۆن ، سەرۆک کۆماری فەڕەنسا ئاشکرای دەکات جۆبایدن و ڤلادمیر پۆتن سەرۆکی ڕووسیا سەبارەت بە کێشەکانی ئۆکراینا و گەیشتن بە چارەسەرێک کۆدەبنەوە .
کۆشکی ئەلیزە ” سەرلەبەیانی ئەمڕۆ دووشەممە ڕایگەیاند ، ئیمانۆئێل ماکرۆن داوای لە سەرۆکی هەردووک وڵاتی ڕووسیا و ئەمریکا کردووە لە چوار چێوەی ” ئەمنیی ستراتیژیی ئەورووپا ” پێکەوە کۆببنەوە .
کۆشکی سپی دوابەدوای داوای سەرۆکی فەڕەنسا ڕایگەیاندووە ، جۆبایدنی سەرۆک کۆمار پێشنیاری فەڕەنسای بە ئەرێنی وەرگرتووە، بۆیەش ئەگەر پۆتن ئامادە بێت ئەوان ئامادەی دانووستانن بەو مەرجەی پێشتر ڕووسیا هێرش نەکاتە سەر ئۆکراینا .
هاوکات ڕووسیا ئامادەیی خۆی بۆ ئەم پێشنیارە دەربڕیوە .
سەرچاوە ، ڕادیۆ فەردا