بن سەلمان : ئیسرائیل ” هاوپەیمانێکی سەرەکی “یە بۆ سعوودیە
شازادەی جێنشینی سعوودیە ڕایگەیاند سیاسەتی وڵاتەکەی وا دەخوازێت تا گەیشتن بە سەرئەنجامێکی باش دانووستانەکانی نوێبوونەوەی ڕێککەوتنی ئەتۆمیی ئێران بەردەوام بێت .
محەمەد بن سەلمان رۆژی پێنجشەممە ویڕای ئەوەی ئاشکرای کرد ئەوان لە گەڵ ئەوەدان دانووستانەکان بۆ نوێبوونەوەی ڕێککەوتنی ئوتۆمیی ئێران بەردەوام بێت و ئەنجامەکەش بە دڵی ئێران و وڵاتانی دانووستانکار بێت، بەڵام نایشاریتەوە بۆ سعوودییە هاوپەیمانی لە گەڵ ئیسرائیل لە سەرەکیترین سیاسەتەکانی وڵاتەکەیەتی .
بن سەلمان لە لێدوانێکدا بۆ گۆڤاری ئەتلەنتیک گوتی : دانووستانی ڕاستەوخۆ لە نێوان ئەمریکا و ئێراندا وا دەکات زووتر بگەنە ئەنجامی کۆتایی و هۆکارێکیش دەبێت بۆ یەکلابوونەوەی کێشەکانی نێوان دەسەڵاتەکانی شیعەو سووننە لە رۆهەڵاتی ناوەڕاستدا .
لە کۆتاییشدا شازادەی جێنشینی سعوودیە ئاماژەی بەوە کردووە ، هەرئەنجامێک لە دانووستانەکانی ئەتۆمیی ئێران بێتە ئاراوە ، کارناکاتە پێوەندییەکانی نیوان سعوودیە و ئیسرائیل ، بەڵام هیواشی خواستووە ، ئیسرائیل کێشەکانی لە گەڵ لایەنی فەلەستینی کۆتایی پێبێنێت .
سەرچاوە ، voa
