مه‌سرور بارزانى، پيرۆزبايى له محەمەدی حاجی مەحموود ده‌كات
سه‌رۆكی حكوومه‌تی هه‌رێمی كوردستان، پیرۆزبایی له محەمەدی حاجی مەحموود ده‌كا، بۆ هه‌ڵبژاردنه‌وه‌ی به سه‌رۆكی پارتی سۆشیالیست و هیوای سه‌ركه‌وتنی بۆ خواستن، لە پێناو ئەوەی هەموو لایەنەکان بتوانن زیاتر خزمەتی گەل و وڵات بکەن.
ئه‌مڕۆ يه‌كشه‌ممه 6ی ئادار مەسرور بارزانى، سه‌رۆكى حکومەتی هه‌رێمى كوردستان، له په‌يوه‌ندييه‌كى ته‌له‌فۆنيدا، پیرۆزبایی له محەمەد حاجی مەحمود سەرۆکی پارتی سۆسیال دیموکراتی کوردستان کرد بۆ هەڵبژاردنەوەی به سەرۆک و سەرکەوتنی کۆنگرەی پارتی سۆسیال دیموکراتی کوردستان.
سەرۆکی حکومەت، هيواى سه‌ركه‌وتنى بۆ خواستن لە پێناو ئەوەی هەموو لایەنەکان بتوانن زیاتر خزمەتی گەل و وڵات بکەن.
سەرۆکی پارتی سۆسیال دیموکراتی کوردستان، سوپاسی سه‌رۆكى حکومەتی هه‌رێمى كوردستانی کرد بۆ پەیوەندی و پیرۆزباییەکەی.
