قایمقامی هەولێر: چاودیری نرخەکان دەکەیین و هەرکەس سەرپێچی بکات سزای دەدەیین

نەبەز عەبدولحەمید، قایمقامی هەولێر لە لێدوانێکدا  بۆ میدیا و ڕاگەیاندنەکان هۆشداری دەداتە ئەو کەسانەی نرخی خۆراک و پێداویستییەکان گران دەکەن

قایمقامی هەولێر ڕایگەیاند : هۆشداریمان بە بازرگان و کۆمپانیاکان داوە کە هیچ خۆراک و پێداویستییەک گران نەکەن و گوتیشی، “لە ئەمڕۆوە دەست بە گەڕان دەکەین و چەند لیژنەیەکمان بۆ چاودێریکردنی کۆمپانیا و کۆگاکان پێکهێناوە”.

سەبارەت بە وردکاری و چۆنیەتی سزاکانیش گوتی : “سزاکان بەپێی سەرپێچییەکان جیاوازن، بەڵام ئێمە دەبێ ئەوەشمان لەبەرچاوبێت کە هەندێ خۆراک و پێداویستی لە سەرچاوەی بەرهەمهێنانەکەیەوە گرانبوون و دەستی هاوردەکار و فرۆشیاری تێدا نییە”.

هاوکاتیش پارێزگاری هەولێرپێشتر ڕایگەیاندبوو  ، هه‌رکه‌سێک به‌گران کاڵا بفرۆشێ ئیجرائاتی تووندی یاسایی له‌گه‌ڵ ده‌که‌ین، شوێنه‌که‌ی داده‌خه‌ین و ناوی شوێنه‌که‌ش بڵاوده‌کرێته‌وه.