جەمیل بایك داوا لەبارزانی دەكات هێزەكانی لەخاكی كوردستان بكشێنێتەوە
خواكوڕك
لە لێدوانێكی دا بۆ میدیایەكی سەر بەحزبەكەی (جەمیل بایك) هاوسەرۆكی كۆماجڤاك( كەجەكە) رایگەیاند، پێویستە هێزەكانی پێشمەرگە لە شنگال و باشوری كوردستان پاشەكشە بكەن، لەجێگای هێزەكانی پێشمەرگە هێزی یەكێتی گەلانی دیموكرات دروست ببێت”.
جەمیل بایك هەروەها داوا لە بارزانی دەكات هێزەكانی لە باشوری كوردستان بكشێنێتەوە و دەلێت ئەگەر بارزانی هێزەكانی لە شنگال و ناوچەكەدا كشاندەوە ئەوە واتا بارزانی لەناو پیلانی توركیا نیە دژی رۆژئاوای كوردستان و داگیر كردنی باشوری كوردستان لەلایان توركیاوە”.
هەروها جەمیل بایك دەلێت تا هێزی پێشمەرگە لە شنگال بێت ئەگەری شەڕ هەیە لەنێوان پێشمەرگە و هێزەكانیان بۆیە پێویستە بارزانی هێزەكانی پێشمەرگە لەشنگال و ناوچەكە پاشەكشە پێ بكات”.
ئەمە لێدوانەی جەمیل بایك بەشێوەیەكی بەرفرەوان لەلایان میدیاكانی یەكێتی بڵاو كراوەتەوە، چاودێرانی سیاسیش پەكەكە و جەمیل بایك بە نەخۆشێكی ئاسایی (دەروونی) پێناسە دەكەن و دەلێت كەس هەیە لەو دونیایە بە كەسێك بلێ ماڵەكەت چۆڵ بكەیت، یەكێتی نەتەوەی كورد دروست دەبێت، ئەمە مەگەر بەس یەكێتی و پەكەكە لێی تێبگەن”.
