فەڕەنسا : لەوانەیە هیچ هیوایەک بە کاراکردنەوەی ڕێککەوتنی ئەتۆمیی ئێران نەمابێت
گوتەبێژی وەزارەتی دەرەوەی فەڕەنسا ڕایگەیاند ، لەوانەیە هیچ هەڵێکی وانەمابێت بۆ تێگەیشتن و کاراکردنەوەی ڕێکەوتنی ئەتۆمیی ئێران و وڵاتانی زلهێز ، بەڵام پێویستە هەموویان لە ئاستی بەرپرسیارەتیدا بڕیار بدەن .
ئان – کۆلۆر لووژاندر ، رۆژی پێنجشەممە گوتی : ئێمە زۆر نزیکین لە ڕێککەوتن بەڵام هاوکاتیش خەریکە هەموو هەلێک لە دەستدەدەین .
لووژاندر هەروەها گوتی : ئێمە نیگەرانی ئەو هەموو درێژکرنەوەی کاتی دانووستانەکانین و هەست بە مەترسی دەکەیین بۆیەش داوا لە هەموولایەک دەکەیین وەک ئەرک و بەرپرسیارەتی بڕواننە کێشەی ئەتۆمیی ئێران و بڕیاری دروست بدەن .
سەرچاوە ، ڕادیۆ فەردا
