بایدن : ئەگەر هێزەکانی ناتۆ بچنە ناوخاکی ئۆکراینا ، جەنگی جیهانی سێیەم دەستپێدەکات
جۆ بایدن، سەرۆککۆماری ئەمریکا ، ڕایگەیاند : تێکهەڵچوونی سەربازی نێوان هێزەکانی سەبازیی ” ناتۆ ” و رووسیا ، بە واتای ئەوەیە ” جەنگی جیهانی سێیەم ” دەستی پێکردووە ، بۆیە دەبێت هەرچۆن بووە ڕێگری لێبکرێت .
بایدن لە کۆنفرانسێکی ڕۆژنامەوانیدا باسی لە سەپاندنی گەمارۆی زیاتر کرد بە سەر ڕووسیا دا و گوتی : ئەمریکا و ناتۆ” وەک هاوپەیمانێکی بەهێز پشتیوانی لە وڵاتانی ئەندامی ناتۆ دەکەن ، بەڵام لە ئێستادا لەناو خاکی ئۆکراینا مەترسیی جەنگی جیهانی سێیەم لە ئارادایە بۆیە رووبەڕووی هێزەکانی ڕووسیا نابینەوە .
ئەوقسانەی بایدن ڕاشکاوانەترین هۆشدارییە بۆ بەشێک لەو کارناسە سەربازییانەی باس لە هەندێک سیناریۆی تایبەت دەکەن وەک ئەگەری پشتیوانی ڕاستەوخۆی سەربازیی ئەمریکا لە ئۆکراینا.
