پەیاما سەرۆك بارزانی ب هەلکەفتا جەژنا سەرێ ساڵا ئاینێ ئێزیدیا

سەرۆك بارزانی ب هەلکەفتا جەژنا سەرێ ساڵا ئاینێ ئێزیدیا په‌یامه‌كه‌ پیرۆزباهیێ راستی ته‌ڤایا خوشك و برایێن ئۆلا ئێزدیان كر.

ته‌كستا په‌یاما سه‌رۆك بارزانی:

ب ناڤێ خودێ یێ مەزن و دلوڤان

ب هەلکەفتا هاتنا جەژنا سەرێ سالا ئولا ئێزیدیان، چوارشەمبیا سور گەرمترین پیرۆزباهیێن خۆ ئاراستەی هەمی خوشك و برایێن ئێزیدی ل كوردستانێ و جیهانێ دكەم و هیڤیا بەختەوەری و کەیفخۆشیێ بۆ وان دخوازم.

خوشك و برایێن ئێزیدی بەشەکێ رەسەنێ گەلێ كوردستانێ نە و دڤێ هەلکەفتێ دا جەختێ دکەم کو دگەل ئێش و ئازارێن وان داینە و ب هەمی شیانان پشتەڤانیا داخوازیێن خوشک و برایێن ئێزیدی دكەم.

هیڤیدارم خوشك و برایێن ئێزیدی ب سەربەستی و ئازادی بزڤرنە لـ سەر جھـ و وارێ خوە و دووماهی ب ئاوارەیی و ئەو نەهامەتیا كۆ ژلایێ تیرۆرست و نەحەزێن گەلێ مە ب سەر وان دا سەپاندین بھێت و بو ڤێ چەندێ پێدڤیە هەمی لایەك هەڤكار بن کوردێن ئێزدی بخۆ بڕیارێ ل سەر چارەنڤیس و پاشەروژا خۆ بدەن و برینێن وان ساڕێژبكەن.

كوردستان وەڵاتێ پێكڤەژیانێ یە و پێدڤیە ئەڤ فەرهەنگا دەوڵەمەند بھێتە پاراستن.

هیڤیدارم هەمی جەژن و هەلکەفتێن هەوە ب شادی و ئارامی دەرباز ببن و بمینن ب خێر و خۆشی.

مسعود بارزانی

19ـی نیسانا 2022