نێچيرڤان بارزانى سه‌رسالا ئێزدييان پيرۆز دكه‌ت
جه‌ژنا سه‌رسالا ئێزدييان ـ چارشه‌مبوا سۆر ـ ب گه‌رمى ل هه‌مى خوشك و برايێن ئێزدى ل كوردستانێ و ل هه‌ر ده‌را جيهانێ بن، پيرۆز دكه‌م، هيڤيدارم جه‌ژنه‌كا ته‌نا و ئارام ده‌رباس بكه‌ن و هه‌رسال ب خێر و خۆشى ڤه‌گه‌ڕيت.
د ڤێ جه‌ژنێدا جاره‌كا دى هه‌مى خوشك و برايێن ئێزدى پشتڕاست دكه‌ين كو هندى ڕه‌ڤاندييه‌ك ئێزدى مابيت، هه‌ولێن مه يێن ژبۆ ڕزگاركرنا وان و دياركرنا چاره‌نڤيسا وندايان دێ به‌رده‌وام بن، هه‌روه‌سا هه‌مى پشته‌ڤانيێ ل مافێن ئێزدييان، ئاڤه‌دانكرنا جهێن وان و مسۆگه‌رييا ئارامى و ته‌ناهييا وان دكه‌ين، ژبۆ ڤێ يه‌كێ ژى به‌رده‌وام دگه‌ل ئالى يێن عيراقى و نێڤده‌وله‌تى كار دكه‌ين.
جه‌ژنا ئيسال ژى مخابن د ده‌مه‌كێدا تێت كو هێشتا هژماره‌كا مه‌زنا خوشك و برايێن مه يێن ئێزدى ژيانا خۆ ل كه‌مپا ده‌رباس دكه‌ن. ئه‌م ب ڕێز و پێزانين ل خۆڕاگريا ئێزدييان دنێڕين و هيڤيدارين جه‌ژن و هه‌لكه‌فتنێن بێن، د ڕه‌وشێن باشتردا ڤه‌گه‌ڕن و هه‌مى ئێزدى ب ئارامى ڤه‌گه‌ڕيابن سه‌ر وار و جهێن خۆ يێن ته‌نا و ئاڤه‌دانكرى.
هه‌ر ب ڤێ هه‌لكه‌فتێ، جاره‌كا دى خوشك و برايێن خۆ يێن ئێزدى و هه‌مى ئۆل و نه‌ته‌وه و پێكهاتێن گه‌لێ كوردستانێ پشتڕاست دكه‌ين كو وه‌ك هه‌رتم كوردستان دێ وارێ لێبوورين، هه‌ڤقه‌بوولكرن و پێكڤه‌ژيانه‌كا ئاشتيانه مينيت و ئه‌م هه‌مى پێكڤه دێ پارێزه‌رێن ڤێ كولتوورێ و مافێن ده‌ستوورى يێن گه‌لێ كوردستانێ بين.
سه‌رسالا هه‌ميان پيرۆز بيت و هه‌ر شاد بن.
نێچيرڤان بارزانى
سه‌رۆكێ هه‌رێما كوردستانێ
2022/4/19
