پەیامی سەرەخۆشی و ھاوخەمی سەرۆک مەسعود بارزانی بۆ کۆچی دوای سەرۆکی ئیمارات

سەرۆک بارزانی بۆ کۆچی دوای سەرۆکی ئیمارات پەیامێکی سەرەخۆشی و ھاوخەمی بڵاو کردەوە و لە بەشێکی پەیامەکە هاتووە: پرسەو سەرەخۆشی و ھاوخەمی ئاراستەی شێخ محەممەد بن زاید بن سوڵتان ئال-نەھیان و گەلی ئیمارات دەکەم ، دڵنیاین بە هەوڵی هەڤاڵەکانی لە سەرکردایەتی دەوڵەت و گەلەکەی، بەردەوام دەبن لەسەر ڕێگا ڕاستەقینەکەی خوالێخۆشبوو.

دەقی پەیامەکەی سەرۆك بارزانی: 

بەناوی خوای بەخشندە ومیهرەبان

بە خەم و پەژارەیەکی زۆرەوە هەواڵی کۆچی دوای بەڕێز شێخ خەلیفە بن زاید ئال-نەھیان سەرۆکی ئیماراتی عەرەبی یەکگرتوومان پێگەیشت.

لەخوای گەورە داواکارین کۆچکردوو بە ڕەحمەتی خۆی شاد بکات و جێگای بەھەشتی بەرین بێت.

پرسەو سەرەخۆشی و ھاوخەمی ئاراستەی شێخ محەممەد بن زاید بن سوڵتان ئال-نەھیان و گەلی ئیمارات دەکەم ، دڵنیاین بە هەوڵی هەڤاڵەکانی لە سەرکردایەتی دەوڵەت و گەلەکەی، بەردەوام دەبن لەسەر ڕێگا ڕاستەقینەکەی خوالێخۆشبوو.

خودا گەلی ئیمارات و سەرکردایەتیەکەی بپارێزێت.

انا للە وان الیه راجعون

مسعود بارزانی

۱۳ـی ئایاری ۲۰۲۲