حکومەت نیازی جدیی لە چاکسازی پیشان داوە
لە لێدوانێکدا بۆ ڕاگەیاندنەکان سەعید ھەرکی، جێگری سەرۆکی لیژنەی ده‌ستپاكی لە پەرلەمانی کوردستان ئاشکرای دەکات
لە ڕاپۆرتی سێیەمی چاکسازیی ھەرێمی کوردستاندا، کە ڕەوانەی پەرلەمانی كوردستان کراوە ھەنگاوی باش نراوە و له‌و راپۆرته‌دا چوونه‌ته ناو ورده‌كاریی زۆره‌وه، بۆ نموونه و لە ڕاپۆرتی چاکسازیی دەستەی دەستپاکیدا ھاتووە، لەوانە خانەنشینیی پلە باڵا، کە 182 کەس بە پلەی وەزیرن، لەوانە 141 کەس وەزیر بوون و ئەوانەی دیکە بە پلەباڵا خانەنشین بوونە و ئەوانەی کە بریکاری وەزیرن 174 بریکار بووە، لەوانە تەنیا 139 کەسیان بە کردەیی بریکار بوون ئه‌مانه كراونه لیست و به‌ئامار و داتای ورده‌وه له راپۆرته‌كه خراونه‌ته‌روو.”
سەعید هەرکی هاوکات ئاماژە بەوە دەکات : له راپۆرته‌كه‌دا ورده‌كاری له دۆسیه‌ی فه‌رمانبه‌ران ئاماژه‌ی پێكراوه ھەر لە ڕاپۆرتەکەدا ھاتووە، زیاتر له 10 ھەزار کەس دەرکەوتووە لە پلەی لە خۆیان بەرزتر وەرگرتووە و 6 ھەزار کەسیش سەرمووچەی زیادیان وەرگرتووە.
له‌باره‌ی پرسی لیستی شه‌هیدانه‌وه، سه‌عید هه‌ركی ئه‌وه‌ی خسته ڕوو، كه به‌پێی خاڵبه‌ندی به‌م شێوه‌یه چاكسازی كراوه:
یه‌كه‌م: وردبینی لە دۆسیەی زیندانییانی سیاسییش دەکرێت، کە تا ئێستا وردبینی لە کۆی 24 ھەزار زیندانی سیاسی لە ھەزار زیندانی کراوە و ئەوانەی بەرکەوتووی چەکی کیمیایین لە کۆی نۆ ھەزار کەس 300 کەسیان وردبینییان بۆ کراوە، بەپێی وردبینییەکە 50 کەس کێشەی نەبووە و 187 کەس تێبینی لەسەر بووە، چوار کەسیش ھەر بەرکەوتە نەبوونە.
دووه‌م: تاقانەکانی ئه‌نفال 361 کەسن 14 کەسیان تێبینییان لەسەرە و 52 کەسیش تاقانە نین و ئەوانەی شەھیدانیش کە 70 ھەزار شەھید دەبن، بەپێی ئەو وردبینییەی بۆیان کراوە، دەرکەوتووە بەشێکیان شەھید نەبوون.
سێیه‌م: لە ھەولێر لە چوار ھەزار شەھید وردبینی کراوە، ھەزاریان تێبینییان لەسەر بووە و 200 کەسیش شەھید نەبوونە و لە سلێمانییش لە کۆی پێنج ھەزار شەھید وردبینی لە دۆسیەکەیان کراوە کە ھەزار و 500 کەس تێبینییان لەسەر بووە و 300 کەسیش شەھید نەبوونە و لە دھۆکیش لە کۆی ھەزار دۆسیەی وردبینی بۆ کراوە 42 کەس شەھید نەبوونە و٧٥٠ کەسیش تێبینییان لەسەر بووە.
لە کۆتاییشدا راشیگه‌یاند: حكومه‌ت به‌رده‌وامه له چاكسازی و هه‌وڵی جدی ده‌دات تا ئێستا 3 راپۆرت له‌و بواره‌وه ئاماده‌كراوه ورده‌كاریی زۆر باش هه‌یه، ئه‌وه‌ی گرنگه به‌لامانه‌وه ئه‌م راپۆرتانه به‌رده‌وامییان هه‌بێت و هه‌نگاوه‌كان خێرا بكرێن.
