شارەوانی بۆ خێراگەیاندنی خزمەتگوزارییەكان بە هەشتی حەسارۆک چەند پارچە زەوییەکی بازرگانی دەفرۆشێت
![](https://xwakurk.com/wp-content/uploads/2022/05/20220518_162813.jpg)
لەسەر فەرمانی ئەنجوومەنی وەزیران بۆ خێراگەیاندنی خزمەتگوزارییەكان بە هەشتی حەسارۆك، شارەوانی هەولێر هەڵدەستێت بە فرۆشتنی چەند پارچە زەوییەکی بازرگانی .
لە راگەیاندراوێکدا کەمێک پێش ئێستا وەزارەتی شارەوانی و گەشتوگوزار رای گەیاند: “بۆ خێراگەیاندنی خزمەتگوزارییەكانی هەشتی حەسارۆک، سەرۆكایەتیی شارەوانیی هەولێر هەڵدەستێت بە فرۆشتنی چەند پارچە زەوییەک و لە ڕۆژی یەكشەممەی داهاتوو 29/5/2022، كاتژمێر 12ی نیوەڕۆ لە سەرۆكایەتیی شارەوانی هەولێر، بە ڕێگەی زیادكردنی ئاشكرا، فرۆشتنی ئەو زەوییانە ڕادەگەیەنرێت”.
راشیگەیاندووە: “بەپێی ئاگادارییەكی (لیژنەی یەكەمی فرۆشتن و كرێدان)ی سەرۆكایەتیی شارەوانیی هەولێر كە لە 26/4/2022 بڵاوكراوەتەوە، ئەو پارچە زەوییانەی لە خوارەوە ئاماژەیان پێ كراوە، بە ڕێگەی زیادكردنی ئاشكرا و بەپێی یاسای ژمارە 1ی ساڵی 2021 هەر كەسێک ئارەزووی بەشداریكردنی هەیە سەردانی سەرۆكایەتیی شارەوانیی هەولێر بكات بۆ دانانی بارمتەی یاسایی بەڕێژەی 50% كەمتر نەبێت لە نرخی خەمڵێنراو”.
لە راگەیێندراوەکە هەروەها باسی لەوەشکردووە کە زیادكردنەكە لە 30ەمین ڕۆژی دوای بڵاوكردنەوەی ئەم ئاگادارییە لە ڕۆژنامە لە كاتژمێر 12ی نیوەڕۆ دەست پێدەكات.
ژمارەی زەوییەكانیش:
1- 11561 /8ک 93حصاروک/ زەوی بازرگانی/ ڕووبەر: 3672 مەتر دووجا.
2- 11834 /8ک 93حصاروک/ زەوی بازرگانی/ ڕووبەر: 4752 مەتر دووجا.