یەكشەممەی داهاتوو یەكەم بڕەپارەی تەرخانكراو لە فرۆشتنی زەوییەكان بە هەشتی حەسارۆک دەگات

وەزارەتی شارەوانی و گەشتوگوزار ئاشکرای دەکات، یەكشەممەی داهاتوو یەكەم بڕەپارەی تەرخانكراو لە فرۆشتنی زەوییەكان بە هەشتی حەسارۆک دەگات

لە ڕاگەیێندراوێکدا، وەزارەتی شارەوانی و گەشتوگوزاری حکومەتی هەرێمی کوردستان ڕای گەیاند:” بۆ خێراگەیاندنی خزمەتگوزارییەكانی هەشتی حەسارۆک، سەرۆكایەتیی شارەوانیی هەولێر ڕۆژی یەكشەممەی داهاتووتر (29/5/2022) كاتژمێر (12)ی نیوەڕۆ لە سەرۆكایەتیی شارەوانی هەولێر، بە ڕێگەی زیادكردنی ئاشكرا، فرۆشتنی ئەو زەوییانە ڕادەگەیەنرێت كە تەواوی پارەكەی بۆ گەیاندنی خزمەتگوزاری بە هەشتی حەسارۆک تەرخان دەكرێت.

ژمارەی زەوییەكان:

1- 11561 /8ک 93حصاروک/ زەوی بازرگانی/ ڕووبەر: 3672 مەتر دووجا.

2- 11834 /8ک 93حصاروک/ زەوی بازرگانی/ ڕووبەر: 4752 مەتر دووجا.

بەپێی ئاگادارییەكی (لیژنەی یەكەمی فرۆشتن و كرێدان)ی سەرۆكایەتیی شارەوانیی هەولێر كە لە ڕێكەوتی 26/4/2022 بڵاوكراوەتەوە، ئەو پارچە زەوییانەی لە خوارەوە ئاماژەیان پێ كراوە، بە ڕێگەی زیادكردنی ئاشكرا و بەپێی یاسای ژمارە (1)ی ساڵی (2021) هەر كەسێک ئارەزووی بەشداریكردنی هەیە سەردانی سەرۆكایەتیی شارەوانیی هەولێر بكات بۆ دانانی بارمتەی یاسایی بەڕێژەی (50%) كەمتر نەبێت لە نرخی خەمڵێنراو. زیادكردنەكە لە (30) سییەمین ڕۆژی دوای بڵاوكردنەوەی ئەم ئاگەدارییە لە ڕۆژنامە لە كاتژمێر (12)ی نیوەڕۆ دەست پێ دەكات.