شوێنی حه‌وانه‌وه به خزمه‌تگوزارییه‌وه بۆ حاجیانی كورد دابین كرا
وەزارەتی ئەوقاف وکاروباری ئایینی ئاشكرای كرد ئامادەکاریەکانی بۆ پرۆسەی حەجی ئەمساڵ تەواو کراوە و شوێنی حەوانەی حاجیان بەباشترین خزمەتگوزاری دابین کراوە.
له راگه‌يێندراوێكدا كه له په‌يجى فه‌رميى خۆى وەزارەتی ئەوقاف و کاروباری ئایینی حكوومەتی هەرێمی كوردستان، بڵاوی كردەوە، ئەمڕۆ پێنجشەممە ٢٦⁄ ١⁄ ٢٠٢٢ بەسەرپەرشتی زێندین مەولود، بریکاری وەزارەتی ئەوقاف و کاروباری ئایینی، شێخ نیازنەقشبەندی، بەرێوبەری گشتی حەج و عومرە و شاندێکی یاوەریان لە وڵاتی عەرەبستانی سعودیە ولە شاری مەککەی پیرۆز، لەگەڵ دەستەی حەجی عێراقی کۆبوونەوە و چەندپرسێکی پەیوەندیداریان بەحاجیانیان تاوتوێ کرد.
هه‌روه‌ها لە راگەیاندراوەكەى وه‌زاره‌تى ئه‌وقاف هاتووە”بەمەبەستی دابینکردنی شوێنی حەوانەوەی حاجیانی کوردستان و لەپێناو خزمەتکردنی ھاووڵاتیان، چەندین گرێبەست واژوو كرا، وەک دابینکردنی شوێنی حەوانەوە و گواستنەوە وخواردن و پێداویستی تەندروستی حاجیان لە شاری مەککەی پیرۆز بۆ حەجی ئەمساڵ ٢٠٢٢ تاوەکو حاجیانی ھەرێمی کوردستان لە کەشێکی ئارام و گونجاو فەریزەی حەج جێبەجێ بکەن”.
وەزارەتی ئەوقاف کاروباری ئایینی راشيگه‌ياندووه، ھەموو ھەوڵەکانی دەخاتەگەر بۆ سەرخستنی کەشێکی گونجاو لەبار بۆ حاجیانی ھەرێمی کوردستان و پاراستنی تەندروستی و سەلامەتیان جێ بەجێ کردنی فەریزەی حەجی پر خزمەت و بەشێوەیەکی شایستە بۆ حاجیانی کوردستان.
جێگەی ئاماژەیە ئەمساڵ ڕێژەی حاجیانی جیھان کەمکراوەتەوەو پشکی ھەرێمی کوردستان دوای کەمکردنەوە لەلایەن وڵاتی عەرەبستانی سعودیە ئێستا دووهەزار و ١٢٠ حاجیە و تەمەنیان لە ٦٤ ساڵ کەمترە.
