حکومەتی هەرێمی کوردستان گوژمەیەك بۆ شەش پرۆژەی ئاوی خواردنەوە لە دەوروبەری هەولێر تەرخان دەکات .
لە چوارچێوەی پلانەکانی رووبەڕووبوونەوە لە گەڵ کەمئاوی لە لایەن حکومەتی هەرێمی کوردستانەوە ، بە مەبەستی پەرەپێدانی پرۆژەكانی ئاوی خواردنەوە لە دەوروبەری پارێزگەی هەولێر، وەزارەتی شارەوانی و گەشتوگوزار ڕەزامەندی دەربڕی لەسەر تەرخانكردنی گوژمەیەك بۆ جێبەجێكردنی شەش پرۆژەی تایبەت بە ئاوی خواردنەوە لە سنووری شارۆچكە و گوندەكانی دەوروبەری هەولێر.
گوژمەكە لەسەر ڕێژەی ١٧٪ی داهاتی بەڕێوەبەرایەتیی ئاوی دەوروبەری هەولێرە بۆ جێبەجێكردنی ئەم شەش پرۆژەیەی خوارەوە خەرج دەكرێت.
یەكەم- پرۆژەی تۆڕی ئاوی گوندی كەوەرتیان، بەشی خواروو، ناحیەی هیران.
دووەم- پرۆژەی تۆڕی ئاوی گوندی خدرجیجە لە ناحیەی دیبەگە.
سێیەم- پرۆژەی تۆڕی ئاوی گەڕەكی ئازادی لە كۆمەڵگەی شاخۆڵان، لە مەلائۆمەر.
چوارەم- پرۆژەی تۆڕی ئاوی گوندی دۆری لە هیران.
پێنجەم- پرۆژەی كۆمەڵاگەی شاخۆڵان، فەرمانگەی مەلا ئۆمەران.
شەشەم- پرۆژەی ئاوی خواردنەوە بۆ گوندی كۆلەكا، پیران.
ڕاگەیاندنی وەزارەتی شارەوانی و گەشتوگوزار
