وەزارەتى خوێندنى باڵای حکومەتی هەرێمی کوردستان 19 پۆست لە زانکۆى سەڵاحەدین ڕادەگەیەنێت
وەزارەتى خوێندنى باڵا و توێژینەوەى زانستى لە چوارچێوەى ڕێنماییەکاندا نۆزدە پۆست لە (زانکۆى سەڵاحەددین) بۆ جارى یەکەم ڕادەگەیەنێت، هەر کەسێک ئارەزووى هەیە و مەرجەکانى تێدایە دەتوانێت لە ماوەى دیاریکراودا (CV) و داواکارییەکەى پێشکەش بکات، تا ناوى لە لیستى خوازیاراندا تۆمار بکرێت.
وەک لە ڕاگەیاندراوەکەی وەزارەتى خوێندنى باڵا و توێژینەوەى زانستى هاتووە پۆستەکانی زانکۆی سەڵاحەددین بریتین لە:
- یاریدەدەرى سەرۆکى زانکۆ بۆ کاروبارى کارگێڕى و دارایی
- یاریدەدەری سەرۆکی زانکۆ بۆ کاروباری زانستی و خوێندنی باڵا
- یاریدەدەری سەرۆکی زاکۆ بۆ کاروباری قوتابییان و خوێندن
- ڕاگرى کۆلێژى زانست
- ڕاگری کۆلیژی ئەندازیاری
- ڕاگری کۆلی ژیزمان
- ڕاگری کۆلیژی زانستە ئەندازیارییە کشتوکاڵییەکان
- ڕاگری کۆلیژی بەڕیوەبردن و ئابووری
- ڕاگری کۆلیژی پەروەردە
- ڕاگری کۆلیژی یاسا
- ڕاگری کۆلیژی پەروەردەی جەستەیی و زانستە وەرزشییەکان
- ڕاگری کۆلیژی پەروەردەی بنەڕەتی
- ڕاگری کۆلیژی زانستە ئیسلامییەکان
- ڕاگری کۆلیژی هونەرە جوانەکان
- ڕاگری کۆلیژی پەروەردەی شەقڵاوە
- ڕاگری کۆلیژی پەروەردەی مەخموور
- ڕاگری کۆلیژی زانستە سیاسییەکان
- ڕاگری کۆلیژی ڤێتێرنەری
- بەڕێوەبەری گشتیی سەنتەری توێژینەوە
هاوکات بەپێی مەرجەکانی داواکاریی ئەو پۆستانە بەو شێوەیەی خوارەوە دیاری کراوە:
– هەڵگرى بڕوانامەى دکتۆرا بێت.
– نازناوى زانستیى لە پرۆفیسۆرى یاریدەدەر کەمتر نەبێت.
– خزمەتى زانکۆیی لە (10) ساڵ کەمتر نەبێت.
– ڕاگری کۆلێژی ڤێتێرنەری پێویستە بەکالۆریۆسی لە ڤێتێنەری هەبێت.
لە ڕاگەیاندراوەکەدا ئاماژە بەو تێبینییانەی خوارەوەش کراوە:
– ئەو بەڕێزەى داواکاری پێشکەش دەکات باشترە دید و بۆچوون و بەرنامەى کاری خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت.
– زانینی زمانى ئینگلیزى و شارەزایی لە بەکارهێنانى تەکنەلۆجیاى بوارى خوێندن و فێرکردن و کارایی بڵاوکردنەوەى توێژینەوەى زانستى هەلى زیاتر بۆ پێشکەشکار دەڕەخسێنێت.
– دواکات بۆ پێشکەشکردنى (CV)و پوختەى ڕاژە، کۆتایی دەوامى ڕێکەوتى (٢٠٢٢/٦/٢٣) ڕۆژى (چوار شەممە) دەبێت.
– پێویستە پوختەى ڕاژەى لەلایەن سەرۆکایەتیی زانکۆوە پەسند کرابێت.
– هەر بەڕێزێک ئارەزوى هەیە و مەرجەکانى سەرەوەى تێدا بەدى دەکرێت، دەتوانێ (CV) و پوختەى ڕاژەى ڕاستەوخۆ لەم بەستەرەى خوارەوە پڕ بکاتەوە و ڕەوانى بکات:
https://forms.gle/Bwzk82C3xNGxVytA6
