بێگەرد تاڵەبانی: سەرۆکی حکومەتی هەرێمی کوردستان بەڵێنی پاڵپشتی تەواوی پێداین
وەزیری کشتوکاڵ و سەرچاوەکانی ئاوی حکوومەتی هەرێمی کوردستان رایدەگەیێنێت:” سەرۆکی حکوومەت بەڵێنی پاڵپشتی تەواوی پێداین.
ئەمڕۆ دووشەممە، لە پرێس کۆنفرانسێکی رۆژنامەوانیدا دوای سەردانەکەی مەسرور بارزانی، سەرۆکی حکوومەتی هەرێمی کوردستان بۆ وەزارەتی کشتوکاڵ، بێگەرد تاڵەبانی، وەزیری کشتوکاڵ و سەرچاوەکانی ئاو رایگەیاند: “سەرۆک وەزیران کۆمەڵێک پێشنیاری خستە روو، لە نزیکەوە گوێی لە داواکارییەکانمان گرت و بەڵێنی پاڵپشتی تەواوی پێداین”.
ڕاشیگەیاند: “بەخۆشحاڵییەوە شانازی دەکەین کۆمەڵێک هەنگاوی زۆر گرنگمان ناوە کە سێکتەری کشتوکاڵ دەکاتە یەکێک لە سێکتەر سەرەکییەکانی پەرەپێدانی ئابووری هەرێمی کوردستان”.
بەسەرکردنەوەی وەزارەتەکان لەلایەن مه‌سرور بارزانی، سه‌رۆكی حكوومه‌تی هه‌رێمی كوردستان، بەردوامەو ئه‌مڕۆش، سه‌ردانی وه‌زاره‌تی كشتوكاڵ و سه‌رچاوه‌كانی ئاوی كرد و له لایه‌ن بێگه‌رد تاڵه‌بانی، وه‌زیری كشتوكاڵ و سه‌رچاوه‌كانی ئاو و به‌رپرسانی دیكه‌ی وه‌زاره‌ته‌كه پێشوازیی لێ كرا.
