حیزبێكی چه‌كداری كوردی له ڕۆژئاوای كوردستان دامه‌زرا.
خواكورك
ژمارەیەک چەکداری کورد حزبێکی نوێیان بە ناوی (بزووتنه‌وه‌ی ڕزگاریخوازی كوردی) ڕاگەیاند و بە وتەی خۆیان كه تێڕوانینێكی ئیسلامیانه‌یان هه‌یه و كار ده‌كه‌ن بۆ وه‌رگرتنه‌وه‌ی مافه‌كانی گه‌لی سووریا به گشتی و گه‌لی كورد به‌تایبه‌تی.
ئه‌و گروپه راگه‌یه‌نراوێكی ڤیدیۆییان بڵاو كردۆته‌وه‌و ئاماژه به‌وه ده‌كه‌ن ” ساڵانێكی زۆره گه‌لی سووریا به‌گشتی و به‌تایبه‌تی گه‌لی كورد،به‌ده‌ست سته‌م و جیاوازی تایفیی و ڕه‌گه‌زیی حزبی به‌عسی داگیركه‌ری ده‌سه‌ڵاته‌وه ده‌ناڵینێنن، بۆیه شۆڕشی سووریا هه‌ڵگیرسا و داوای مافه‌كانی گه‌له سته‌مدیده‌كه‌یان كرد.
ئاماژه به‌وه‌ش ده‌كه‌ن كه (یه‌په‌گه) سه‌ر به پارتی كرێكارانی كوردستانه و به دوژمنی هاوبه‌شی ده‌زانین بۆ ئێمه و بۆ برایانی شۆڕشگێرمان، چونكه وێنه‌ی كوردی ناشرین كردووه”
ئاماژه بۆ ئه‌وه‌ش دەکەن کە فیدرالیان دەوێت بۆ سووریا.
