بڕیاری لێخۆشبوونی قەرزەکانی حکومەت بۆ هاووڵاتیان درێژ کرایەوە

وەزارەتی شارەوانی و گەشتوگوزار لە ڕاگەیاندراوێکدا ئاشکرای دەکات، بڕیاری لێخۆشبوونی ڕێژەی 15%ی قەرزەكانی بواری شارەوانی، گەشتوگوزار، ئاو، شوێنەوار بۆ ماوەی 3 مانگ كە لەمڕۆوە دەستپێدەكات و تاوەكوو 20/9/2022 بەردەوام دەبێت

وەک لە ڕاگەیاندراوەکەدا هاتووە ئەو بڕیارە لە دوای کۆبوونەوەی ئەنجومەنی وەزیران هاتووە کە بە سەرپەرشتی مەسرور بارزانی سەرۆکی حکومەتی هەرێمی کوردستان بە رێوە چوو لە رۆژی 15 ی حوزەیران

هەر لە ڕاگەیاندراوەکەدا هاتووە ، بەشێكی ئەو بڕیارە پەیوەندی بە قەرزەكانی گەشتوگوزار، شارەوانی، ئاو و شوێنەوار هەیە و لە ڕێككەوتی 20/6/2022 دەستپێدەكات و تاوەكوو 20/9/2022 كاری پێدەكرێت، ئەم وادەیەش دوا دەرفەت دەبێت بۆ سوودوەرگرتن لەم ئاسانكارییەی حكوومەت و جارێكی دیكە درێژ ناكرێتەوە